બજારમાં વેચાતા નકલી કેસરથી થઇ જજો સાવધાન. મકાઇના રેસાના ઉપયોગથી બનાવાય છે નકલી કેસર
ઓળખો અસલી-નકલી કેસર વચ્ચેનો ભેદ
મકાઇના તારમાંથી બનાવાય છે નકલી કેસર
કેસર સ્વાદમાં હોય છે થોડુક કડવું
કેસરની કિંમત તો આપણે જાણીએ જ છીએ. કેસર મોટેભાગે કોઇ વ્યક્તિ બહારગામ જાય ત્યારે ભેટ સ્વરુપે આપણા માટે લેતા આવે. પરંતુ શું તમને ખબર છે ખરા કે અસલી કેસર કેવું હોય છે ? શિયાળાની ઋતુમાં લોકો કેસરનું વધુ માત્રામાં સેવન કરે છે. વાસ્તવમાં, કેસરમાં રહેલા ગુણો માત્ર શરીરને ગરમ રાખવાનું કામ નથી કરતા પરંતુ શરીરને અનેક ગંભીર બીમારીઓથી બચાવવાનું પણ કામ કરે છે. કેસરને તમામ મસાલાનો રાજા પણ કહેવામાં આવે છે. કેસર વિશ્વના મોંઘા મસાલાઓમાંનો એક છે, તેથી તેની ખેતીમાં ઘણો નફો થાય છે.
કેસરની સૌથી વધુ ખેતી કાશ્મીરમાં
તમને જણાવી દઈએ કે ભારતમાં કેસરની સૌથી વધુ ખેતી કાશ્મીરમાં થાય છે. કેસર મોંઘું હોવાની સાથે સાથે ખૂબ જ ફાયદાકારક પણ છે તેથી તેની માંગ સતત વધી રહી છે. કેસરની માંગ અને પુરવઠો જાળવી રાખવા માટે લોકો તેમાં ભેળસેળ પણ કરે છે. આવી સ્થિતિમાં ભેળસેળવાળું કેસર પણ આપણા સ્વાસ્થ્ય માટે સારું નથી. તો ચાલો જાણીએ કે અસલી અને નકલી કેસરને કેવી રીતે ઓળખી શકાય.
મકાઈના વાળ નકલી કેસર સાથે મિશ્રિત
એક મીડિયા રિપોર્ટ્સ અનુસાર, અસલી અને નકલી કેસર ઓળખવું મુશ્કેલ કામ છે. આ જ કારણ છે કે મોટાભાગના લોકો ભેળસેળનો શિકાર બને છે. તમને જણાવી દઈએ કે લોકો કેસરમાં ભેળસેળ માટે મકાઈના વાળનો ઉપયોગ કરે છે. જેનું સેવન કરવાથી પેટમાં ગડબડ, ગેસ અને પેટનું ફૂલવું થઈ શકે છે. આ ઉપરાંત, મસાલા અને ખાદ્ય પદાર્થોમાં ભેળસેળને ઓળખવા માટે એક અભિયાન શરૂ કરવામાં આવ્યું છે જે #DetectingFoodAdulterants તરીકે ઓળખાય છે.
કેવી રીતે ઓળખશો અસલી કેસરને ?
કેસરમાં ભેળસેળ શોધવા માટે, એક ગ્લાસ લો, હવે તેમાં 70 થી 80 ડિગ્રી સુધી ગરમ કરેલું પાણી ઉમેરો. આ પછી તેમાં થોડી કેસરની પાંખડીઓ નાખો. તમને જણાવી દઈએ કે જો તમારું કેસર અસલી હશે તો પાણીમાં રહેલા કેસરનો રંગ ધીરે ધીરે ફિક્કો પડી જશે.
ચાખીને પણ અસલીની કરી શકો છે પરખ
આ સિવાય કેસરને ચાખવાથી પણ ઓળખી શકાય છે. બજારમાં કેસર ખરીદતા પહેલા કેસરનો સ્વાદ ચાખો.આ માટે સૌ પ્રથમ કેસરના બે ટુકડા જીભ પર રાખો અને તેને હળવા હાથે ચાવો. જો તમને કેસરનો સ્વાદ ખૂબ જ મીઠો લાગતો હોય તો તેનો અર્થ એ કે તમારું કેસર નકલી છે. કેસરની ગંધ ભલે મીઠી હોય પણ તેનો સ્વાદ હળવો કડવો હોય છે.