રસોઈ ગેસ ખાલી થવા આવ્યો છે કે નહીં તેને લઈને ગૃહિણીઓને મુશ્કેલી રહેતી હોય છે. આજે અમે આપને માટે સરળ ટ્રિક લાવ્યા છીએ જેનાથી તમે જાણી શકશો કે તમારો ગેસ સિલિન્ડર ખાલી થવા આવ્યો છે કે નહીં.
ગૃહિણીઓની મુશ્કેલી બનશે સરળ
જાણો તમારો ગેસ સિલિન્ડર ખાલી થવા આવ્યો છે કે નહીં
આ સ્ટેપ્સ કરશે ફટાફટ તમારી મદદ
સામાન્ય રીતે અનેક મહિલાઓને સમસ્યા રહે છે કે તેમના ગેસ સિલિન્ડરમાં કેટલો ગેસ બચ્યો છે. પરંતુ તેને જાણવાનું સરળ નથી. કેટલાક લોકો સિલિન્ડરનું વજન કરીને અનુમાન લગાવી લેતા હોય છે પણે ગેસ સિલિન્ડરમાં ગેસનું લેવલ કેટલું છે તે કેવી રીતે જાણશો.
ગેસ સિલિન્ડરના કારણે મહિલાઓને રહે છે આવી મુશ્કેલીઓ
ક્યારેક એવું બને છે કે રસોઈ કરતા ગેસ અચાનક ખાલી થઈ જાય છે અને સિલિન્ડર બદલવામા વધારે સમય લાગવાના કારણે રસોઈ બગડે છે. ગેસ ખતમ થાય તો સિલિન્ડર બુક કરાવ્યા બાદ બીજો સિલિન્ડર આવવામાં સમય લાગી શકે છે. ક્યારેક તે એ જ દિવસે આવે છે તો ક્યારેક 2-3 દિવસે આવે છે. આ કારણે અનેક વાર મુશ્કેલી રહે છે. એવામાં મહિલાઓ સિલિન્ડરમાં બચેલા ગેસને જાણવાની ટ્રિક શોધતી રહે છે. તમે પણ જાણી લો આ સરળ ટ્રિક અને તમારી મુશ્કેલીઓને કરી લો દૂર.
જાણી લો આ સરળ ટ્રિક
સૌ પહેલા એક કપડાને પાણીમાં ડિપ કરો અને ભીનું કરી લો.
આ કપડાથી ગેસ સિલિન્ડર પર એક મોટી લાઈન કરી લો અને તેને ભીનો કરી લો.
હવે 10 મિનિટ સુધી રાહ જોવો. તમને સિલિન્ડરનો ખાલી ભાગ હશે ત્યાં પાણી સૂકાયેલું દેખાશે અને જ્યાં ગેસ હશે તે ભાગનું પાણી સૂકાવવામાં સમય લાગશે.
આ રીતે તમને ખ્યાલ આવશે કે સિલિન્ડરમાં કેટલો ગેસ બચ્યો છે.
પાણી સૂકાવવાનું કારણ એ છે કે સિલિન્ડરનો ખાલી ભાગ ગરમ હોય છે અને ભરેલો હિસ્સો ઠંડો. આ માટે પાણી ફક્ત ગરમ ભાગ હશે ત્યાંથી સૂકાઈ જશે.
ન કરશો આ ભૂલ
અનેક મહિલાઓ ગેસ બર્નરને ચાલુ કરે છે અને આગના રંગને જોઈને અંદાજ લગાવવાની કોશિશ કરે છે કે ગેસ સિલિન્ડરમાં કેટલો ગેસ બચ્યો છે. આ યોગ્ય રીત નથી. જ્યારે સિલિન્ડરમાં ઓછો ગેસ હોય તો આગનો રંગ બદલાય છે તે સાચી વાત છે પણ તેનાથી સિલિન્ડરમાં ગેસ કેટલો છે તે જાણી શકાતું નથી. કેટલીક મહિલાઓ સિલિન્ડરને હલાવીને કે તેને ઉઠાવીને ગેસનું પ્રમાણ જાણવાની કોશિશ કરે છે. પણ આ રીત ખોટી સાબિત થાય છે. કેમકે સિલિન્ડરનું વજન એટલું હો છે કે ગેસના ઓછા પ્રમાણની તમને જલ્દી જાણ થઈ શકતી નથી. આ સિવાય અનેક લોકો બર્નરમાં ગેસની લો ફ્લેમ પર સિલિન્ડરને ઊંઘો રાખે છે અને પછી તેમાં બચેલા ગેસનો ઉપયોગ કરે છે. આમ કરવાથી શક્ય છે કે તમે થોડા સમય માટે ગેસની ફ્લેમ ફાસ્ટ કરી લો પણ તેનાથી સિલિન્ડર ખરાબ થઈ શકે છે અને તેના ડેમેજ થવાનો ખતરો વધે છે. જે તમારા માટે ઘાતક સાબિત થઈ શકે છે.