વર્લ્ડ ડાયાબિટીસ ડે / ડાયાબિટીસના દર્દી બની ગયા છો ખબર કેવી રીતે પડે?, સવાર અને રાતના આ લક્ષણો ન અવગણો

દર વર્ષની 14મી નવેમ્બરે વર્લ્ડ ડાયાબિટીસ ડે ઉજવવામાં આવે છે. અનેક લોકો ડાયાબિટીસના લક્ષણોને નજરઅંદાઝ કરે છે. જેથી તે આગળ જઈને ગંભીર સ્વરૂપ લે છે. આથી લોકમાં જાગૃતિ ફેલાવવા આ દિવસ મનાવવામાં આવે છે. જો ડાયાબિટીસના લક્ષણો દેખાય તો તેને અવોઈડ કરવાને બદલે તુરંત ઇન્સ્યુલિન સંબંધિત ટેસ્ટ કરાવવો જોઈએ.

ડાયાબિટીસના બે પ્રકાર હોય છે. ટાઇપ 1 ડાયાબિટીસમાં સ્વાદુપિંડમાં પૂરતી માત્રામાં ઇન્સ્યુલિન ઉત્પન્ન નથી થતું, તો ટાઇપ 2 ડાયાબિટીસમાં શરીર ઇન્સ્યુલિન પર યોગ્ય રીતે રીએક્ટ નથી કરી શકતું. અને  સ્વાદુપિંડમાં જ ઇન્સ્યુલિન જમા થઈ જાય છે. આ બંને પ્રકારના ડાયાબિટીસમાં લોહીમાં ગ્લુકોઝનું લેવલ વધી જાય છે. જેના કારણે શરીરમાં નીચે મુજબના લક્ષણો દેખાવા લાગે છે.

• વારંવાર પેશાબ આવવો

ઘણા કિસ્સામાં 45-50 વર્ષની નજીક પહોંચેલી સ્ત્રીઓ અને પુરુષો વારંવાર પેશાબની સમસ્યા થાય છે. જેને તેઓ ઉંમરના હિસાબે સામાન્ય ગણે છે. તો મહિલાઓ તેને મેનોપોઝના લક્ષણો માને છે, પરંતુ વારંવાર પેશાબ આવવો, ખાસ કરીને રાત્રે ચારથી પાંચ વખત પેશાબ આવવો તે લોહીમાં ગ્લુકોઝનું લેવલ વધી ગયાનો સંકેત હોય છે.

• મોઢું સુકાવવું અને તરસ લાગવી

ઉનાળામાં મોં સુકાવાને અને વારંવાર તરસ લાગવાને લોકો સામાન્ય માને છે. પરંતુ હવામાનના ફેરફારના બાદ પણ મોઢું સુકાઈ રહ્યું હોય અને પાણી પીધા બાદ પણ તરસ છીપાતી ન હોય તો તે શરીરમાં ઈન્સ્યુલિન પૂરતી માત્રામાં નથી બની રહ્યું તેની નિશાની હોય છે. ઈન્સ્યુલિન ન બનવાના લક્ષણો ટાઇપ 1 ડાયાબિટીસમાં જોવા મળે છે.

• ડ્રાય સ્કિન

લોહીમાં ગ્લુકોઝનું લેવલ વધી જાય ત્યારે સ્કિન ડ્રાય થઈ જાય છે. ખાસ કરીને પગમાં વાઢિયા, ડ્રાય સ્કિન અને ડાર્ક સ્પોટ્સ દેખાય તે ડાયાબિટીસના લક્ષણો હોઈ શકે છે.

• સ્ત્રીઓમાં આ લક્ષણો દેખાય છે

ડાયાબિટીસના તમામ લક્ષણો પુરુષો અને સ્ત્રીઓમાં લગભગ સમાન હોય છે, પરંતુ મહિલાઓને યીસ્ટ ઈન્ફેક્શન, યુરિન ઈન્ફેક્શન અને ઓવરી ઈન્ફેક્શન વારંવાર થાય છે.

• સ્કિનમાં કાળાશ

ચહેરાનો કલર ડલ પડી રહ્યો હોય, આર્મપિટમાં કાળા ડાઘ પડી ગયા હોય અથવા પગ, કમર અને ગરદનમાં કાળાશ દેખાય તો તે ડાયાબિટીસની નિશાની હોઈ શકે છે.

વધુ વાંચો : વાળ ખરવાની સમસ્યા કે ડ્રાય સ્કિનને હલકામાં ન લેતા, આ 5 સંકેત ખામીના લક્ષણ, થઈ જજો એલર્ટ

• ઘા મટતો ન હોય

શરીર પર નાની ઈજાને પણ સાજા થવામાં વધુ સમય લાગે અને બીજા લક્ષણો પણ દેખાય તો આ પણ ડાયાબિટીસના સંકેત હોઈ શકે છે.

• પુરુષોમાં નબળા પડે છે સ્નાયુઓ

પુરુષોને ડાયાબિટીસ થાય ત્યારે તેમને મસલ્સ લોસનો સામનો કરવો પડે છે. ડાયાબિટીસના પેશન્ટને ઝડપી મસલ્સ લોસ થાય છે. જેમાં તેમની મસલ્સ કમજોર પડી જાય છે. આથી વર્કઆઉટ અને વજન કંટ્રોલ કરવું જરૂરી હોય છે.

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ