હોળી પર સ્માર્ટફોનને પાણી અને રંગથી આ Tricksથી બચાવો

હોળી રમતી વખતે ફોનની સુરક્ષા કરવી જરૂરી છે, કારણ કે જો ફોનમાં રંગ અથવા તો પાણી ઘૂસી જાય તો મોંઘા ફોન બગડી જવાની શક્યતા રહેલી હોય છે, માટે અહીં તમને કેટલીક સરળ ટિપ્સ જણાવી રહ્યા છીએ કે જેના ઉપયોગથી તમે આ હોળીમાં તમારા સ્માર્ટફોનની સુરક્ષા કરી શકશો. 

ઝિપ બેગ:



ઝિપ લોક બેગ બહુ મોંઘી નથી આવતી અને તેમાં તમે તમારો સ્માર્ટફોન રાખશો તો ફોનમાં પાણી અને રંગ નહી પ્રવેશે તેમજ તમારો ફોન સુરક્ષિર રહેશે. 

હેન્ડ ફ્રી:



જો તમને વારંવાર ફોન આવતા હોય તો તમે હોળી રમતી વખતે હેન્ડ ફ્રીનો ઉપયોગ કરી શકો છો. તમે આ સિવાય બ્લૂ ટૂથ હેન્ડ ફ્રીનો ઉપયોગ કરી શકો છો. આ માટે તમારે ફોનને બહાર રાખવાની પણ જરૂર નથી. 

વોટરપ્રૂફ કવર:



તમે જો આઈફોનનો ઉપયોગ કરો છો તો આઈફોન વોટરપ્રૂફ કવરનો ઉપયોગ કરી શકો છો. આ કવરથી તમારા ફોનમાં પાણી અને રંગ નહી પ્રવેશે, અન્ય સ્માર્ટફોન્સ માટે પણ બજારમાં વોટરપ્રૂફ કવર ઉપલબ્ધ છે. 

જૂના સ્માર્ટફોન:



આ સિવાય હોળીમાં તમારે ફોનને રંગથી બચાવવો હોય તો કોઇપણ જૂના ફોનનો પણ ઉપયોગ કરી શકો છો, કારણ કે જૂના ફોનમાં કોઇ કારણસર સમસ્યા સર્જાય તો મોટું નુકસાન થવાનો ભય રહેતો નથી.