જો તમે પણ સોનામાં રોકાણ કરવા ઈચ્છો છો તો આજે અમે આપને 4 બેસ્ટ ઓપ્શન જણાવી રહ્યા છીએ. અહીં તમે તમારા રુપિયાનું રોકાણ કરીને સારું રિટર્ન મેળવી શકો છો.
સોનામાં રોકાણ કરીને બની જાઓ માલામાલ
જાણો સોનામાં રોકાણની 4 બેસ્ટ રીત
સોનું કિંમતી ધાતુ નહીં પણ શુભ ધાતુ પણ છે
રોકાણ કરવા માટે સોનું એક યોગ્ય વિકલ્પોમાંનું એક માનવામાં આવે છે. ભારતમાં સોનાનું મહત્વ ફક્ત એ વાતથી લગાવી શકાય છે કે લગ્નના બજેટમાં એક મોટો ભાગ તેના માટે અલાયદો રાખવામાં આવે છે. દુનિયામાં ભારત એવો દેશ છે જ્યાં સોનાની ખપત સૌથી વધારે છે. તે કિંમતી ધાતુ નહીં પણ શુભ ધાતુ પણ છે.
1. સૉવરેન ગોલ્ડ બોન્ડ (Sovereign Gold Bond)
સોનામાં રોકાણના અનેક વિકલ્પ હોઈ શકે છે જેમકે ઘરેણા, સોનાના સિક્કા, ગોલ્ડ બુલિયન્સ વગેરે, પણ તેમાં સૌથી સારો વિકલ્પ માનવામાં આવે છે સૉવરેન ગોલ્ડ બોન્ડ. આ સરકારી સ્કીમમાં રોકાણ કરવાથી રિસ્ક ઓછું રહે છે અને તમે ચિંતા વિના સારું રિટર્ન મેળવી શકો છો. સૉવરેન ગોલ્ડ બોન્ડને રિઝર્વ બેંક જાહેર કરે છે આ માટે તેની શુદ્ધતાને લઈને પણ કોઈ મુશ્કેલી રહેતી નથી, સૉવરેન ગોલ્ડ બોન્ડ ફંડમાં રોકાણ કરવાનું ફાયદારૂપ છે. તેની પર ગોલ્ડના ભાવ સિવાય 2.5 ટકા ફિક્સ્ડ રિટર્ન પણ મળે છે.
2. ગોલ્ડ એક્સચેન્જ ટ્રેડેડ ફંડ્સ (Gold ETF)
સોનાના શેરની જેમ ખરીદવાની સુવિધાને ગોલ્ડ ઈટીએફ કહે છે. આ મ્યુચ્યુઅલ ફંડની સ્કીમ છે. આ સોનામાં રોકાણના સૌથી સસ્તા વિકલ્પમાંનો એક છે. આ એક્સચેન્જ ટ્રેડેડ ફંડ છે જેને સ્ટોક એક્સચેન્જ પર ખરીદી અને વેચી શકાય છે. ગોલ્ડ ઈટીએફનો બેન્ચમાર્ક સ્પોટ ગોલ્ડની કિંમત છે. તમે તેને સોનાની વાસ્તવિક કિંમતની નજીકમાં ખરીદી શકો છો. ગોલ્ડ ઈટીએફ ખરીદવા માટે તમારી પાસે એક ટ્રેડિંગ ડીમેટ ખાતું હોવું જોઈએ. તેમાં સોનાની ખરીદી યૂનિટમાં કરાય છે. તેને વેચવા માટે તમે સોનું નહીં પણ તેના બજાર મૂલ્યના બરાબર રકમ મેળવી શકો છો.
3. ગોલ્ડ મ્યુચ્યુઅલ ફંડ (Gold Mutual Funds)
ગોલ્ડ ઈટીએફની તુલનામાં ગોલ્ડ મ્યુચ્યુઅલ ફંડમાં રોકાણ કરવાનું સરળ છે. તમે સીધા ઓનલાઈન મોડ કે તેના ડિસ્ટ્રીબ્યુટર્સના માધ્યમથી ગોલ્ડ મ્યુચ્યુઅલ ફંડમાં રોકાણ કરી શકે છે. અન્ય તરફ ગોલ્ડ ઈટીએફમાં રોકાણ કરવા માટે તમારી પાસે ડીમેટ ખાતું હોવું જોઈએ. ગોલ્ડ મ્યુચ્યુઅલ ફંડમાં AMC રિટર્નને માટે ગોલ્ડ ઈટીએફમાં પોતાના કોર્પસનો રોકાણ કરે છે. તેના સિવાય ગોલ્ડ મ્યુચ્યુઅલ ફંડ રોકાણકારોને એસઆઈપીની મદદથી રોકાણની અનુમતિ આપે છે. ગોલ્ડ મ્યુચ્યુઅલ ફંડ ઓપન એન્ડેડ રોકાણ પ્રોડક્ટ છે જે ગોલ્ડ એક્સચેન્જ ટ્રેડેડ ફંડમાં રોકાણ કરે છે અને તેની નેટ એસેટ વેલ્યૂના પ્રદર્શન સાથે જોડાયેલો છે.
4. પેમેન્ટ એપથી પણ ખરીદી શકાય છે ગોલ્ડ
તમે તમારા સ્માર્ટફોનથી ડિજિટલ ગોલ્ડમાં રોકાણ કરી શકો છો. આ માટે વધારે રૂપિયા ખર્ચ કરવાની જરૂર રહેતી નથી. તમે તમારી સુવિધા અનુસાર જેટલી કિંમતનું રોકાણ કરવા ઈચ્છો તેટલું સોનું ખરીદી શકો છો. તમે આ સુવિધા અમેઝોન પે, ગૂગલ પે, પેટીએમ એપ, ફોન પે અને મોબિક્વિક જેવા પ્લેટફોર્મ પર મળી રહે છે.