વધતી ઉંમરની સાથે ઘણા પુરૂષો કામેચ્છામાં ઉણપ હોવાનો સામનો કરે છે. નિષ્ણાંતો મુજબ, આ એટલી ગંભીર પરેશાની નથી. કોઈ વ્યક્તિ પોતાની સેક્સ ઈચ્છાને વધારવા માગે છે તો તેના માટે કોઈ દવા અને સારવારની જરૂર નથી. નેચરલ રીતે પણ સારા પરિણામ મળી શકે છે.
દવા ખાધા વગર પણ પુરૂષની જાતિય ઈચ્છા વધી શકે
તમારા જીવનમાં ફક્ત આ ટીપ્સ અપનાવશો તો પણ વધશે
માત્ર આ 6 નેચરલ પદ્ધતિ અપનાવો, જાતિય ઈચ્છામાં થશે વધારો
સેક્સ ઈચ્છા ઘટવાનું કારણ
લિબિડોને કામેચ્છા, જાતીય ઈચ્છા અથવા સેક્સ ડ્રાઈવ જેવા ઘણા નામોથી ઓળખાય છે. આજકાલની વ્યસ્ત લાઈફ અને વર્ક પ્રેશરના કારણે ટેન્શન, પર્સનલ રિલેશનમાં પરેશાની, આરોગ્ય સાથે જોડાયેલી સમસ્યા અને વધી રહેલી ઉંમરના કારણે સેક્સની ઈચ્છા ઘટી શકે છે. પુરૂષની સેક્સ ઈચ્છા વધારવા માટે પુરૂષ હંમેશા કેટલાય પ્રકારની દવાઓનો ઉપયોગ કરે છે અથવા પછી તેણે મુશ્કેલ પરિસ્થિતિમાંથી પસાર થવુ પડે છે. પરંતુ શું તમે જાણો છો કે લિબિડોને નેચરલ રીતે અપનાવીને વધારી શકાય છે.
પોતાના ડાયટને હેલ્ધી રાખો
જો તમે તમારા દૈનિક જીવનમાં પૌષ્ટિક આહારનુ સેવન કરશો તો તેનાથી સેક્સની ઈચ્છા વધી શકે છે. અત્યંત જરૂરી છે કે તમે તમારા જમવામાં ઓછી મીઠી વસ્તુ, લીલા પાંદડાવાળી શાકભાજી અને પ્રોટીનથી ભરપૂર આહારનો સમાવેશ કરો.
સ્ટ્રેસ મેનેજમેન્ટ છે જરૂરી
દરેક પુરૂષના જીવનમાં દરેક તબક્કે મુશ્કેલીઓ આવે છે. પરંતુ જીવનની દરેક પરેશાનીઓ દરમ્યાન પોતાની જાતને શાંત રાખવી ખૂબ જરૂરી છે. વધુ ચિંતા કરવાથી તમારી કામ શક્તિનો પાવર ઘટી જાય છે. જો તમે ખરાબ સ્થિતિમાં પણ પોતાને ચિંતામુક્ત રાખવાનું હૂનર શિખી લીધુ તો આવી સમસ્યાઓમાંથી છૂટકારો મળી શકે છે.
આઠ કલાકની ઉંઘ લો
સારી ઉંઘ ઘણી બિમારીઓનો રામબાણ ઈલાજ છે, જેનો ઉંડો સંબંધ જાતિય ઈચ્છા સાથે પણ છે. વર્ષ 2015માં કરવામાં આવેલા અભ્યાસ મુજબ, જો તમે રાત્રે દરરોજ ઓછામાં ઓછા 8 કલાકની ઉંઘ લો છો તો તેના સારા પરિણામ આવશે.
પોતાનુ વજન વધવા ના દેશો
ઘણા વૈજ્ઞાનિકો જાતિય ઈચ્છા ઓછી થવાનુ કારણ મેદસ્વિતાને આપે છે. વધુ વજન વધવાથી ટેસ્ટોસ્ટેરોન સ્તર ઘટવાનુ જોખમ રહેલુ છે. એવામાં જરૂરીયાત કરતા વધુ વજન વધે તો વજન ઓછુ કરો. જેનાથી જાતિય ઈચ્છામાં ફેરફાર આવશે.
હર્બલ ઉપચાર
પુરૂષોમાં જાતિય ઈચ્છા વધારવા માટે હર્બલ ઉપચાર કેટલો અસરકારક છે, તેના પર રિસર્ચ ખૂબ ઓછુ થયુ છે. પરંતુ તેમ છતા ઘણા પુરૂષોને ફાયદો પહોંચી શકે છે. વર્ષ 2015ના અભ્યાસ મુજબ આ ઉપાયથી જાતિય ક્રિયાઓ સારી થઇ શકે છે. હર્બલ ઉપચારમાં જિન્કો, જિન્સેંગ, માકા અને ટ્રીબૂલસ સામેલ છે.
દરરોજ કસરત કરો
જો તમે દરરોજ કસરતને પ્રાધાન્ય આપો છો તો જાતિય ઈચ્છા વધારવામાં મદદ મળી શકે છે. વર્ષ 2015માં ટેસ્ટોસ્ટેરોન લેવલ ઓછુ થનારા પુરૂષોમાં અભ્યાસ કરવામાં આવ્યો હતો. જે મુજબ જે લોકો નિયમિત વ્યાયામ કરતા હતા તેની જાતિય ઈચ્છા વધી ગઇ હતી.