હેલ્થ / ગુડ કોલેસ્ટ્રોલ વધારવા માટે આ પાંચ બાબતોનું રાખો ખાસ ધ્યાન, હાર્ટ એટેકનો ખતરો નહી રહે, જાણો વિગત

• બેડ કોલેસ્ટ્રોલથી બચવા શું કરવું
• કોલેસ્ટ્રોલને કારણે વધે છે હાર્ટએટેકનું જોખમ
• કોલેસ્ટ્રોલ વધે નહી તે માટે ખોરાકમાં ધ્યાન આપો

કોલેસ્ટ્રોલને નિયંત્રણમાં રાખવું ખૂબ જ જરૂરી છે. જ્યારે તમારા શરીરમાં કોલેસ્ટ્રોલનું સ્તર બગડવા લાગે ત્યારે હાર્ટ એટેકનો ખતરો વધી જાય છે. આવી સ્થિતિમાં ખાસ ધ્યાન રાખવાની જરુર છે. ખરાબ જીવનશૈલીના કારણે મોટાભાગના લોકોના શરીરમાં ખરાબ કોલેસ્ટ્રોલ વધવા લાગે છે. હેલ્ધી લાઇફસ્ટાઇલ  ઘણી જરુરી છે.  સમયસર જમવુ તેમજ ભોજનમાં હાઇ ફાઇબર અને પ્રોટીન યુક્ત ડાયટ લેવુ જરુરી છે. આવી સ્થિતિમાં જો તમે ખાવામાં ધ્યાન રાખશો તો હેલ્ધી લાઇફ જીવી શકશો. ત્યારે હવે  શરીરમાં ખરાબ કોલેસ્ટ્રોલ વધે નહી તે માટે શું કરશો, આવો જાણીએ.

1. વજન નિયંત્રણમાં રાખો

સૌથી પહેલા તમારે તમારા વજનને નિયંત્રણમાં રાખવું પડશે, કારણ કે  વધારે વજન હોવાથી શરીરમાં ખરાબ કોલેસ્ટ્રોલ વધવા લાગે છે. આ માટે  તમારે આહારમાં પ્રોટીન, ફાઈબરથી ભરપૂર વસ્તુઓનો સમાવેશ કરવો જોઇએ.

2. કસરત કરવી જરૂરી

તમારા શરીરમાં સારા કોલેસ્ટ્રોલને વધારવા માટે વ્યાયામ પણ ખૂબ જ જરૂરી છે. તેથી, પ્રયાસ કરો કે તમારે દરરોજ એક કે અડધો કલાક કોઈપણ પ્રકારની કસરત કરવી જોઈએ.

3. પ્રોસેસ્ડ ફૂડથી દૂર રહો

શું તમે જાણો છો કે પ્રોસેસ્ડ ફૂડના કારણે તમારા શરીરમાં ખરાબ કોલેસ્ટ્રોલ વધવા લાગે છે. આવા ખોરાકમાં ટ્રાન્સ ફેટ અને સેચ્યુરેટેડ ફેટ હોય છે, જે ખરાબ કોલેસ્ટ્રોલને વધારે છે.

4. ધૂમ્રપાન ન કરો અને દારૂનું સેવન ન કરો

આ સાથે તમને જણાવી દઈએ કે સ્મોકિંગ અને આલ્કોહોલ બંને તમારા માટે સારા નથી. તેનાથી શરીરમાં ખરાબ કોલેસ્ટ્રોલ વધે છે. આ સિવાય આ બંને વસ્તુઓથી તમે ઘણી બીમારીઓને આમંત્રણ આપો છો. આવા સમયમાં જલદી તમારી આદતો બદલો, નહીં તો તમારું સ્વાસ્થ્ય બગડી શકે છે.

5. વધુ પડતુ ગળ્યું ન ખાઓ

જો તમે જરૂરિયાત કરતાં વધુ મીઠાઈઓ ખાઓ તો તમારા શરીરમાં ખરાબ કોલેસ્ટ્રોલ વધી શકે છે. આવી સ્થિતિમાં એટલુ ધ્યાનમાં રાખવાનું કે ખાંડ ઓછામાં ઓછી શરીરમાં જાય. જેથી શરીરમાં કોલેસ્ટ્રોલ સંતુલિન રહે.