વેલેન્ટાઇન ડેને સેલિબ્રેટ કરવા માટે એવુ કંઇક કરો જે તમારા પાર્ટનરને કાયમ માટે યાદ રહી જાય
વેલેન્ટાઇન ડે બનાવો યાદગાર
પાર્ટનરને ખુશ રાખવાનો કરો પ્રયાસ
દિલની વાત કંઇક હટકે રીતે કરો રજૂ
વેલેન્ટાઇન ડે એટલે પ્રેમ વ્યક્ત કરવાનો દિવસ. પ્રેમ વ્યક્ત કરવાની પણ એક રીત હોય છે. તમારા પાર્ટનરને તમે દિલની વાત કહેવા માંગતા હોવ તો તેને પ્રેઝન્ટ કરવાની પણ રીત હોય છે. પ્રેમનો એકરાર કરવા કોઇ લોન્ગ ડ્રાઇવ પસંદ કરે છે તો કોઇ રેસ્ટોરન્ટમાં કેન્ડલ લાઇટ ડિનર પર જાય છે. ઘણા લોકોને તો ખબર પણ નથી હોતી કે કેવી રીતે વેલેન્ટાઇન ડે સેલિબ્રેટ કરવો. કેવી રીતે તમારા પાર્ટનરને ખુશ રાખી શકો છો. ત્યારે આજે તમને જણાવીશુ કેટલાક આઇડિયા જે તમારો વેલેન્ટાઇન ડે યાદગાર બનાવશે.
1. ફરવા માટે જાઓ
વેલેન્ટાઈન ડેને યાદગાર બનાવવા માટે કોઇ ખાસ સ્થળની પસંદગી કરો. એવી જગ્યા પર જાઓ જ્યાં તમે ઘણા સમયથી જવા માગતા હોવ. તમે વેલેન્ટાઈન ડે પર તે જગ્યાએ ટ્રિપ પ્લાન કરી શકો છો. દુનિયાભરમાં અનેક એવી જગ્યા છે જ્યાં તમે તમારા પાર્ટનરની સાથે ફરવા જઈ શકો છો. એવામાં તમારા બજેટના હિસાબથી કોઈ જગ્યાને પસંદ કરો.
2. કેન્ડલ લાઈટ ડિનર
વેલેન્ટાઈન ડેને યાદગાર બનાવવા માટે તમે કેન્ડલ લાઇટ ડીનરનું આયોજન કરી શકો છો. આ દિવસને લઇને રેસ્ટોરન્ટમાં પણ આ પ્રકારની થીમ ખાસ લવ બર્ડ માટે જોવા મળે છે. તમે આવી રેસ્ટોરન્ટમાં અગાઉથી ટેબલ બુક કરાવીને ડીનર કરી શકો છો.
3. સરપ્રાઈઝ ગિફ્ટ:
વેલેન્ટાઈન ડેને યાદગાર બનાવવા માટે એવી ગિફ્ટ આપો કે જે હંમેશા યાદ રહે. તમે એવી સરપ્રાઇઝ ગિફ્ટ આપો કે તમારો પાર્ટનર તેને વર્ષોવર્ષ યાદ રાખે.. વેલેન્ટાઈન ડેના દિવસે મળેલી તે ગિફ્ટને તમારી પાર્ટનર હંમેશા પોતાની પાસે રાખશે અને આ ગિફ્ટને જોઈને તેને હંમેશા તમારી યાદ આવશે.
4. શોપિંગ કરાવો:
શોપિંગ કરવુ તો કોને ન ગમે. તેમાં પણ ગર્લ્સમાં શોપિંગનો વધારો ક્રેઝ હોય છે. ત્યારે તમે આ દિવસે તમારા પાર્ટનરને શોપિંગ કરાવવા લઇ જાઓ. સાથે જ તેને કોઈ સારું પરફ્યૂમ કે ડ્રેસના મેચિંગ ફૂટવેર પણ ગિફ્ટ કરી શકો છો.
5. લોંગ ડ્રાઈવ પર જાઓ:
જો તમારા પાર્ટનરની સાથે ક્વોલિટી ટાઈમ સ્પેન્ડ કરવા માગતા હોય તો તમે તેને લોંગ ડ્રાઈવ પર લઈ જઈ શકો છો. લોન્ગ રુટને યાદગાર બનાવવા માટે તમારા પાર્ટનર સાથે હોય તે કાફી છે.
6. પાર્ટનર માટે જમવાનું બનાવો:
મેરિડ કપલ્સની વાત કરીએ તો અવારનવાર મહિલાઓ દરરોજ ખાવાનું બનાવે છે. એવામાં વેલેન્ટાઈન ડેને સ્પેશિયલ બનાવવા માટે તમે આ દિવસે તેની પસંદગીની વસ્તુ બનાવી શકો છો. તેનાથી તેને એક દિવસનો આરામ મળી જશે. તમે તેના માટે બ્રેકફાસ્ટ બનાવી શકો છો.
7. પ્રેમથી પાર્ટનર સાથે વાત કરો:
આમ તો કપલ્સ વચ્ચે ઝઘડા અને મનભેદ થતા હોય છે. નારાજગી અને ગુસ્સો તો ચાલતો રહેતો હોય છે પરંતુ તમે આ દિવસોમાં પાર્ટનર સાથે રોમેન્ટિક થઇ શકો છો. પાર્ટનર સાથે સારી રીતે અને પ્રેમથી વાત કરશો તો તેને ગમશે. પ્રેમ ભરી વાતોથી જ વેલેન્ટાઇન ડેને યાદગાર બનાવી શકો છો. અને તેને એ વાતનો અહેસાસ કરાવી શકો છો કે તમારા જીવનમાં તેનું શું મહત્વ છે. તમારી આ વાત સમય-સમય પર તેને યાદ આવશે. જેનાથી તમારી વચ્ચે પ્રેમ જળવાઈ રહેશે.
8. લવ લેટર લખો:
લવ લેટર. આ શબ્દ હવે પ્રચલિત નથી. કારણ કે હવે મેસેજ અને ઇમેઇલનો જમાનો આવી ગયો. મોબાઇલમાં જ તમે ઇચ્છો ત્યારે મેસેજ કરી શકો છો પરંતુ કંઇક હટકે કરવું છે તો લવ લેટર લખો. ભલે આ પ્રથા જૂની થઇ ગઇ પરંતુ તમારા પ્રેમને બરકરાર રાખવામાં લવ લેટર બેસ્ટ સાબિત થશે.