હાલમાં સમગ્ર દેશમાં લૉકડાઉન ચાલી રહ્યું છે જેથી લોકો આખો દિવસ ઘરમાં જ હોય છે. તેમજ બીજી બાજુ સૂર્ય દેવ કંઇક વધુ જ કોપાયમાન થઇ રહ્યા છે એવું લાગી રહ્યું છે. એવામાં જો ઘરમાં ઠંડક ન મળતી હોય તો પ્રૉબ્લેમમાં વધારો થવાનો એટલે જોઈએ કેટલાક એવા હોમ ડેકોરના ઉપાયો જેનાથી ઉનાળામાં ઘર વધુ માણવાલાયક અને ઠંડકભર્યું બનશે.
ગરમીથી બચવા ઘરમાં ઠંડક મેળવવા અપનાવો આ ટિપ્સ
અમુક રંગો પણ આંખોને ઠંડક આપે છે અને અમુક રંગો સૉફ્ટ હોવાને કારણે ઘરને પણ ઠંડું રાખે છે
પાણીનો સંગ્રહ કરવા માટે માટીના
માટલાને ઉત્તમ ગણવામાં આવે છે
કૉટન અને લિનનનું ફર્નિશિંગ
લાઇટ કે બ્રાઇટ અને સુંદર ઇન્ડિયન સમર લુક માટે બેડશીટ, કર્ટન્સ, સોફા-કવર, પિલો-કવર વગેરે ટાઇપનાં ફર્નિશિંગ ખાખી, કૉટન સિલ્ક તેમ જ મલ કૉટન જેવાં મટીરિયલ્સ વાપરો. આવાં મટીરિયલ્સ તપતાં નથી અને ઠંડક ફેલાવે છે.
ફર્નિચર અને ઍક્સેસરીઝ
ઘરમાં વાઇટની આખી થીમને ધ્યાનમાં રાખતાં તમારાં ફર્નિચર અને ઍક્સેસરીઝમાં પણ વાઇટનો થોડો ટચ હોવો જરૂરી છે. વાઇટ ઍક્સેસરીઝ ઘરને ફ્રેશ લુક આપે છે. સખત અને વજનદાર લાકડાંના ફર્નિચરની જગ્યાએ નેતરનું હલકું ફર્નિચર સૉફ્ટ લુક આપશે.
રંગો પણ આપે છે ઠંડક
તડકામાં થતી ગરમીમાં તાજગી મેળવવા માટે સૌથી જરૂરી છે એવા રંગો જેને જોતાં જ આંખોને ઠંડક મળે અને એવા કલર છે સફેદ, પીળો, પિન્ક તથા લાઇટ બ્લુ. આ રંગો સોફ્ટ હોવાને લીધે એ વાતાવરણમાં વધતી ગરમીમાં પણ ઘરને ઠંડું રાખે છે. સફેદ રંગ બીજા કોઈ પણ રંગ કરતાં વધારે લાઇટ રિફ્લેક્ટ કરે છે. એનાથી રૂમ વધારે મોટો અને રોશનીવાળો લાગે છે. રોશનીમાં વધારો કરવા માટે મોટા અરીસા સારું કામ કરશે તેમજ રૂમમાં વધારે સૂર્યપ્રકાશ આવે એ માટે વિન્ડોના પડદા પણ ખુલ્લા મૂકી શકાય.
વાઇટ રંગ ઠંડક પણ આપે છે જેથી જો વધારે તડકો આવે તો પણ રૂમમાં હાજર વ્યક્તિને ગરમીનો અનુભવ નહીં થાય.