સ્ત્રી જ્યારે ગર્ભવતી બને છે ત્યારે તેના પરિવારમાં ખુશીઓનો માહોલ છવાઇ જાય છે. પરિવારના દરેક સભ્યો તેનુ ખૂબ જ ધ્યાન રાખે છે અને તેની દરેક માંગણીને પૂરી કરે છે પરંતુ કેટલીક તકલીફો તેણે જાતે જ ભોગવવી પડે છે. જેમકે ગર્ભધારણ કર્યા બાદ ચામડી ખેંચાય છે અને સ્ટ્રેચ માર્ક પડી જતા હોય છે. કોઇ પણ સ્ત્રીને તેની સ્કીન ખૂબ જ વ્હાલી હોય છે અને સ્ટ્રેચમાર્કને હટાવવા માટે તે પૂર્ણ રીતે પ્રયત્નો કરે છે. આજે અમે તમને જણાવીશું કે ગર્ભવતી સ્ત્રી સ્ટ્રેચમાર્કને કેવી રીતે દૂર કરી શકે છે.
ગર્ભાવસ્થા બાદ આવે છે સ્ટ્રેચમાર્ક
સ્ટ્રેચમાર્કથી છૂટકારો મેળવો આ રીતે
હલ્દી-ચંદન
હળદર આપણા શરીર માટે ખૂબ જ લાભદાયી છે. હળદર અને ચંદનને મિક્સ કરો અને પાણી નાંખી પેસ્ટ બનાવી લો, હવે આ પેસ્ટને સ્ટ્રેચમાર્ક પર લગાવીને છોડી દો. બાદમાં તેને નવશેકા પાણીથી ધોઇ લો. થોડા અઠવાડીયામાં જ તમે લાભ જોઇ શકશો.
વિટામિન -ઇ
સ્ટ્રેચ માર્ક્સવાળા ભાગ પર દરરોજ 5 થી 10 મિનિટ માટે વિટામિન-ઈના તેલની માલિશ કરો. આ કેપ્સૂલનું તેલ કાઢીને તેમાં કોઈ મોઈશ્ચરાઈઝર મિક્સ કરી સ્ટ્રેચ માર્ક્સ પર લગાવો. તેને તમે દરરોજ લગાવો. ધીરે-ધીરે સ્ટ્રેચ માર્કસ ઓછા થવા લાગશે.
એલોવેરા જેલ
એલોવેરા જેલ સ્કિનને ડેમજ થવાથી બચાવે છે અને સ્ટ્રેચ માર્ક્સને ઓછા કરે છે. એલોવેરા જેલને સીધી સ્કિન પર લગાવો અને લગભગ 15 મિનિટ માટે લાગેલુ રહેવા દો. બાદમાં નવશેકા પાણીથી ધોઈ લો. જો તમે નિયમિત રૂપથી તેનો વપરાશ કરશો તો સ્ટ્રેચ માર્ક્સનની સમસ્યા દૂર થઈ જશે.
ઇંડાનો સફેદ ભાગ
સ્ટ્રેચ માર્ક્સને દૂર કરવા માટે ઈંડાનો સફેદ ભાગ ખૂબ જ ફાયદાકારક હોય છે. સૌ પ્રથમ ઈંડાના સફેદ ભાગથી ઈંડાની જર્દીને અલગ કરી લો. ત્યારબાદ એગ વ્હાઈટને સીધા સ્ટ્રેચ માર્ક્સ પર લગાવો અને 15 થી 20 મિનિટ માટે છોડી દો અને નવશેકા પણીથી ધોઈ લો.