શરીરના કોઈપણ ભાગ પર જો નિશાન કે સ્ટ્રેચ માર્ક્સ થઈ જાય તો બિલ્કુલ સારું નથી લાગતું અને આ સમસ્યા ખાસ કરીને મહિલાઓમાં વધુ જોવા મળે છે. ઉંમર વધવાની સાથે અથવા પ્રેગ્નેન્સી બાદ ઘણી મહિલાઓના પેટ, જાંઘ અને બ્રેસ્ટ પર સ્ટ્રેચ માર્ક્સ થઈ જતાં હોય છે. જેથી આજે અમે તમને એવા અસરકારક નુસખા જણાવીશું, જેને નિયમિત અપનાવીને તમે જાંઘ અને પેટ પર પડેલાં સ્ટ્રેચ માર્ક્સના નિશાન ગાયબ થઈ જશે.
શરીરના કોઈપણ ભાગમાં રહેલાં સ્ટ્રેલ માર્ક્સ થઈ જશે ગાયબ
મહિલાઓમાં વધુ જોવા મળે છે આ સમસ્યા
આ ઉપાય કરશો તો ગાયબ થઈ જશે માર્ક્સ
વિક્સ વેપોરબ
શરદી-ખાંસીમાં તો તમે વિક્સ વેપોરબનો ઉપયોગ કરતા જ હશો. પણ તમે તેનાથી સ્કિન પર રહેલાં સ્ટ્રેચ માર્ક્સના નિશાન પણ ગાયબ કરી શકો છો. હવે આ ઉપાય કરવા માટે રોજ રાતે સૂતા પહેલાં જ્યાં સ્ટ્રેચ માર્ક્સ થયા હોય એટલે કે જાંઘ અથવા પેટ કે બંપ પર વિક્સ વેપોરબ લગાવીને ક્લિંગ રેપની મદદથી કવર કરી લો. આખી રાત આમ જ રહેવાં દો. રોજ આ રીતે કરશો તો ચોક્કસથી સ્ટ્રેચ માર્ક્સ દૂર થતાં દેખાશે.
લીંબુનો રસ
એક વાટકીમાં 1 લીંબુનો રસ કાઢી લો. પછી સ્ટ્રેચ માર્ક્સવાળા એરિયા પર લીંબુનો રસ લગાવીને ગોળાકાર મોશનમાં મસાજ કરો. આવું રોજ દસ મિનિટ કરો અને પછી ધોઈ લો. આ ઉપાય પણ બહુ જ કારગર છે. આ સ્ટ્રેચ માર્ક્સના નિશાન ગાયબ કરી દેશે.
બદામનું તેલ
શરીરના કોઈપણ ભાગમાં સ્ટ્રેચ માર્ક્સના નિશાન પડી ગયા હોય તો 1 ચમચી કોકોનટ ઓઈલમાં 1 ચમચી બદામનું તેલ મિક્સ કરીને તેને થોડું નવશેકું ગરમ કરીને ગોળાકાર મોશનમાં મસાજ કરતાં જે-તે જગ્યાએ લગાવો. સ્ટ્રેચ માર્ક્સના નિશાન દૂર કરવા દિવસમાં બેવાર આ ઉપાય કરો.
બેસન અને કાકડીનો રસ
સ્ટ્રેચ માર્ક્સથી છુટકારો મેળવવા માટે આ પણ બેસ્ટ ઉપાય છે. તેના માટે 1 ચમચી બેસન લઈ તેમાં 2 ચમચી કાકડીનો રસ મિક્સ કરીને પેસ્ટ બનાવી સ્ટ્રેચ માર્ક્સ પર લગાવો. 15 મિનિટ રાખીને ધોઈ લો. આ ઉપાય પણ દિવસમાં બેવાર કરવાથી તમને સ્ટ્રેચ માર્ક્સ ગાયબ થતાં દેખાશે.