હેલ્થ / ડાયાબિટીસના દર્દીઓ માટે પરફેક્ટ છે ગ્રીન જ્યૂસ

• ડાયાબિટીસને નાથવા પીઓ ગ્રીન જ્યુસ 
• ડાયાબિટીસ માટે હેલ્ધી છે ગ્રીન જ્યુસ 
• ખોટુ ખાન-પાન કરી શકે તમારા શરીરને નુકસાન

આજના આ ભાગદોડભર્યા સમયમાં આપણા ખોટાં ખાન-પાન અને રીતથી ઘણા લોકો ટાઈપ-ટુ ડાયાબિટીસથી પીડાય છે. ભારતમાં લગભગ 70 કરોડ લોકો આ બીમારીથી  પીડિત છે. આ એક એવું હેલ્ધી જ્યૂસ છે, જેને પીવાથી ડાયાબિટીસ કાબૂમાં રહેવા ઉપરાંત તે આપણા શરીરને શુદ્ધ કરે છે અને આપણને અનેક રોગોથી બચાવે છે. 

કેવી રીતે બનાવશો આ ગ્રીન હેલ્ધી જ્યૂસ

આ જ્યૂસ બનાવવા માટે તમે લીલાં સફરજન, કાકડી, લીંબુ, કેળાં, ગ્રીન કોબીજ, પાલક, બીટ, લસણ, ટામેટાં, આદું અને કારેલાંમાંથી જે પણ ચાર કે પાંચ વસ્તુ તમારી પાસે હોય તેનો ઉપયોગ કરી શકો છો. આ બધી વસ્તુઓને ઝીણી સમારી લો અને જરૂરી પાણી મિક્સ કરી તેને સારી રીતે બ્લેન્ડ કરી લો. તમારું હેલ્ધી જ્યૂસ તૈયાર છે.

જાણો કેમ ગ્રીન જ્યૂસ ડાયાબિટીસ માટે છે હેલ્ધી

ડાયાબિટીસના દર્દીઓને ઘણી વાર જ્યૂસ પીવાની ના કહેવાય છે, કારણ કે તેમાં ખાંડની માત્રા વધારે હોય છે, પરંતુ આ હેલ્ધી જ્યૂસ ખાસ ડાયાબિટીસના પેશન્ટ્સ માટે છે. ડાયાબિટીસને ઘટાડવા માટે ગ્રીન જ્યૂસ ખૂબ જ ફાયદાકારક છે. આ જ્યૂસની સૌથી ખાસ વાત એ છે કે તે આપણા શરીરના એનર્જી લેવલને ખૂબ જ ઝડપથી વધારી દે છે. વધુ સારા ફાયદા માટે આ રસનું સેવન સવારે કરવું જોઈએ.

• લીલાં સફરજન, કાકડી, લીંબુ, પાલક, કારેલાં, ટામેટાં અને લસણ જેવી હેલ્ધી વસ્તુઓમાંથી બનાવેલ આ જ્યૂસ વિટામિન-એ, વિટામિન-સી, વિટામિન-કે અને આયર્નનો સારો સ્રોત છે.
• તે માત્ર ડાયાબિટીસના દર્દીઓ માટે જ સારું છે તેમ નથી,  પરંતુ તે હાઈ બ્લડપ્રેશર અને હૃદય સંબંધિત અનેક રોગોનું જોખમ પણ ઘટાડે છે.
• કારેલાં અને બીટ આપના બ્લડને પ્યુરિફાઈ કરે  છે,  આ જ્યૂસમાં કારેલાં અને બીટ ઉપરાંત  લીલાં સફરજન, કાકડી, લીંબુ, આદું, લસણ અને ટામેટાં એન્ટિઓ‌િક્સડેન્ટથી ભરપૂર હોય છે. આ કારણે આ હેલ્ધી જ્યૂસ આપની બૉડીને ડિટોક્સિફાઈ કરે છે.