કામની વાત / ડાર્ક સર્કલ થવાના આ છે મુખ્ય કારણ, જાણીને આજે જ તમારી લાઇફસ્ટાઇલમાં બદલાવ કરો 

• ડાર્ક સર્કલ થવાના ઘણા કારણો છે
• આંખોની નીચેની ચામડી ખુબ નાજુક હોય છે
• શરીરમાં કંઇ પણ થાય તો અસર ત્યાં જ થાય છે

મુશ્કેલીઓ ત્યારે આવે છે જ્યારે ડાર્ક સર્કલના કારણે ઉંમર વધારે દેખાવા લાગે અને તમામ પ્રયત્નો કર્યા બાદ પણ તે જાય નહી. બજારમાં પણ કેટલાક પ્રસાધનો છે જે દાવો કરે છે કે ડાર્ક સર્કલ હટાવી દેશે પરંતુ તેવુ થતુ નથી અને ઘરેલૂ ઉપચાર પણ કામ લાગતા નથી. જો આવુ થાય છે તો તમારે તમારી લાઇફસ્ટાઇલ સુધારવાની જરૂર છે. 

વધુ પડતો થાક અને અપૂરતી ઉંઘ 
જ્યારે આપણે ફીઝીકલી અને મેન્ટલી ખુબ થાકેલા હોઇએ છીએ અને પૂરતો આરામ નથી મળતો ત્યારે તેનો સીધો અસર આપણી સ્કીન પર પડે છે. આંખોની નીચેની ચામડી ખુબ જ સેન્સેટિવ હોય છે અને બોડી પર કોઇ પણ પ્રકારનો સ્ટ્રેસ પડે તો તે રિએક્ટ કરે છે. જો તમે પૂરતી ઉંઘ લેવાનનુ શરૂ કરશો તો ધીરે ધીરે આ ડાર્ક સર્કલ જતા રહેશે. 

અનીમિયાનો અસર 
ભારતીય મહિલાઓમાં ડાર્ક સર્કલની સમસ્યા વધારે જોવા મળે છે તેનુ મુખ્ય કારણ લોહીની ઉણપ છે. પુરુષોની તુલનામાં મહિલાઓ પોતાનુ ધ્યાન રાખતી નથી અને જેના કારણે હેમોગ્લોબીનની અછત વર્તાય છે. ઓક્સિજન લેવલની ઉણપ પણ એક કારણ છે. 

એલર્જી 
ઘણી વાર કોઇ વસ્તુથી એલર્જી અથવા આંખોમાં ડ્રાઇનેસના કારણે ડાર્ક સર્કલ થાય છે. જ્યારે કોઇ વસ્તુથી એલર્જી થાય છે તો શરીર બેક્ટેરિયાથી બચવા માટે હિસ્ટામિન રિલીઝ કરે છે જેના કારણે આંખોની આસપાસ રેડનેસ, પફી આઇઝ અને ખંજવાળ જેવી સમસ્યા આવે છે. 

ડિહાઇડ્રેશન 
આંખોની નીચે ડાર્ક સર્કલ થઇ જવાનુ મુખ્ય કારણ ડિહાઇડ્રેશન છે. જ્યારે શરીર પર્યાપ્ત પાણી સ્કીનને ન આપી શકે ત્યારે સ્કિન પર ડલનેસ અને ડાર્કનેસ આવવા લાગે છે. તેના કારણે આંખોની નીચે ડાર્ક સર્કલ થઇ જાય છે. 

તડકામાં રહેવું
વધારે સમય તડકામાં રહેવાનો કારણે આ સમસ્યા જલ્દી આવવા લાગે છે. આવામાં સ્કીન પર પિગ્મીન્ટેશન વધી જાય છે અને આંખોની નીચેની કોમળ ત્વચા સૌથી પહેલા કાળી થવા લાગે છે.