સરકારી વીમા કંપની LICના IPO આવતા મહિને આવવાનો છે. જેને લઈને સરકારે કરાક સેબીની પાસે દાખલ પણ કર્યું છે.
LIC પોલિસી હોલ્ડર્સ માટે ખુશખબર
IPO મળવાનો ચાન્સ સૌથી વધારે
જાણો તેના વિશે વધુ માહિતી
કેન્દ્ર સરકારના નિયંત્રણમાં આવતી સરકારી વીમા કંપની LIC આવતા મહિના સુધી પોતાનો આઈપીઓ લાવવાની તૈયારી કરી રહી છે. જેને લઈને કેન્દ્ર સરકારે SEBIની પાસે LICના IPOને લઈને પોતાના હાલના દસ્તાવેજ સબમિટ કરી દીધા છે. જેમાં જણાવવામાં આવ્યું છે કે LIC પોતાના પોલિસી હોલ્ડર્સ માટે મોટી ઓફર લાવવાનું છે.
3.16 કરોડ શેર રિઝર્વ રાખવામાં આવશે
હકીકતે સેબીમાં સબમિટ કરવામાં આવેલા LICના આઈપીઓના કરારમાં જણાવવામાં આવ્યું છે કે કંપનીના કુલ 632 કરોડ શેર હશે. જેમાંથી લગભગ 31.6 કરોડ શેર આઈપીઓ હેઠળ વેચવામાં આવશે. હાલ LIC પોતાના પોલિસીહોલ્ડર્સનું તેના હેઠળ ખાસ ધ્યાન રાખવા જઈ રહી છે. દાખલ કરવામાં આવેલા કરાર અનુસાર LICના પોલિસીહોલ્ડર્સ માટે 10 ટકા એટલે કે લગભગ 3.16 કરોડ શેર રિઝર્વ રાખવાનો પ્રસ્તાવ મુકવામાં આવ્યો છે. ત્યાં જ LICના કર્મચારીઓ માટે અઢી કરોડ શેર રિઝર્વ રાખવામાં આવ્યા છે.
LIC પોલિસીહોલ્ડર્સને થશે ફાયદો
આ પહેલા રોકાણકાર અને સાર્વજનિક સંપત્તિ પ્રબંધન વિભાગના સચિવ તુહિન કાંતા પાંડેયે જાણકારી આપી છે કે આગામી LIC IPOમાં પોલિસીહોલ્ડર્સનું સારી રીતે ધ્યાન રાખતા IPOમાં રિઝર્વેશન આપવામાં આવ્યું છે. હાલ હવે એ સ્પષ્ટ થઈ ગયું છે કે એલઆઈસીના આગામી આઈપીઓમાં રિઝર્વેશન આપવાથી હવે એ લોકોને સરળતાથી આઈપીઓ મળવાની આશા દર્શાવવામાં આવી રહી છે જે LICના પોલિસીહોલ્ડર્સ છે.
31 માર્ચ પહેલા આવશે IPO
હાલ સરકારની તરફથી સંપૂર્ણ પ્રયત્ન કરવામાં આવી રહ્યો છે કે LICનો આ IPO 31 માર્ચથી પહેલા આવશે. જે હેઠળ ફેબ્રુઆરીની શરૂઆતમાં સંસદમાં બજેટ રજૂ કરતી વખતે નાણામંત્રી નિર્મલા સીતારમણે એલઆઈસીનો આઈપીઓ જલ્દી આવવાના આસાર દર્શાવ્યા છે. હાલ સરકારની તરફથી સેબીને નિર્દેશ આપવામાં આવી રહ્યા છે કે LIC IPOના ડ્રાફ્ટને ત્રણ અઠવાડિયામાં મંજૂરી આપી દેવામાં આવશે.