સ્કિન કેર / નેચરલી ગ્લોઇંગ સ્કીન માટે અપનાવો આ ટ્રિક્સ, બ્યૂટી પાર્લરમાં પૈસા નહી ખર્ચવા પડે

• હેલ્ધી સ્કીન માટે અપનાવો આ ઉપાય 
• બ્યૂટી પાર્લરના પૈસા બચી જશે
• કેવી રીતે સ્કીનને રાખશો ગ્લોઇંગ 

ઓઇલી સ્કીન વાળાઓને સૌથી મોટી ફરિયાદ એ હોય છે કે તેમના ચહેરા પર મેકઅપ કે કોઇ પણ ક્રિમ વધુ સમય સુધી ટકતો નથી. એટલુ જ નહીં, ગરમીમાં થતો પરસેવો, વાતાવરણમાં ઉડતી ધુળ અને માટી ચહેરા પર ચિપકી જાય છે. તેના કારણે ચહેરો ડસ્ટી દેખાવા લાગે છે. આ કારણે સ્કીન એલર્જી, જલન અને ફોડલીઓ જેવી સમસ્યાઓ થાય છે. જોકે કેટલીક એવી ટિપ્સ છે જે તમને આ સમસ્યામાંથી છુટકારો અપાવી શકે છે.

 
ઓઇલી સ્કીન કેમ થાય છે

તૈલીય ત્વચાનુ કારણ ત્વચામાં વધારાનુ તેલ જમા થાય છે તે પણ છે. જ્યારે હોર્મોનની ગરબડના કારણે એન્ડ્રોજનનુ સ્તર વધે છે ત્યારે તૈલ ગ્રંથિઓ સક્રિય થઇને વધુ તેલ છોડવા લાગે છે અને શરીર પર વધુ તેલ વહેવા લાગે છે. આમ તો આ સમસ્યા ટીનેજમાં થાય છે, પરંતુ કેટલાક લોકોમા આનુવંશિક પણ હોઇ શકે છે. 

સ્ક્રબિંગ

સ્કીનને થોડા થોડા સમયે સ્ક્રબિંગ કરવી ખુબ જરુરી છે. જેથી ત્વચા અંદરથી સાફ થઇ શકે. સ્ક્રબિંગ કરવાથી ત્વચા પર રહેલુ એકસ્ટ્રા ઓઇલ નીકળી જાય છે. તમારા ચહેરા પર ખીલ હોય તો ઓટમીલમાંથી સ્ક્રબ તૈયાર કરીને તેનો ઉપયોગ કરી શકો છો. આ માટે એક ચમચી ઓટમીલ, એક ચમચી દહીં અને એક ચમચી મધને મિક્સ કરી દો અને 10 મિનિટ ચહેરા પર લગાવો. ત્યારબાદ હાથને હળવા ભીના કરીને સર્ક્યુલર મોશનમાં સ્ક્રબ કરો. પછી પાણીથી સાફ કરી લો.

મોઇશ્ચરાઇઝર જરુર લગાવો

કેટલીક છોકરીઓ વિચારે છે કે ગરમીમાં મોઇશ્વરાઇઝરનો ઉપયોગ કરવાથી તેમની ત્વચા વધુ ઓઇલી દેખાશે, પરંતુ એવુ હોતુ નથી. મોઇશ્વરાઇઝરથી તમારી ત્વચામાં ભેજ જળવાયેલો રહે છે અને તે ઓઇલના ઉત્સર્જનને પણ નિયંત્રિત રાખે છે. સ્કીન ગમે તેટલી ઓઇલી હોય, પરંતુ દિવસમાં બે વાર મોઇશ્વરાઇઝર જરુર લગાવવુ જોઇએ. 

ફેશવોશનો ઉપયોગ કરો

જો તમારી સ્કીન ઓઇલી હોય તો એવા ફેસવોશનો ઉપયોગ કરો, જેમાં સેલિસિલિક એસિડ હોય. તે સ્કીનની ડિપલી સફાઇ કરવાની સાથે સાથે એકસ્ટ્રા ઓઇલને પણ બહાર કાઢે છે. દિવસમાં ઓછામા ઓછી બે વાર ફેસવોશથી ચહેરાની સફાઇ કરવાથી ચહેરા પર જામેલા ધુળ માટી સાફ થઇ જશે.

સનસ્ક્રીન અને ટોનરનો ઉપયોગ

ઘરની બહાર નીકળતા પહેલા સનસ્ક્રીન લગાવવાનુ ક્યારેય ન ભુલશો. તેના કારણે ત્વચા સુરજના તેજ કિરણોથી બચી જશે અને સ્કીન પર ઉંમર પહેલા કરચલીઓ નહીં પડે. ગરમીના દિવસોમાં રોઝવોટર બેસ્ટ ટોનરનુ કામ કરે છે. તે ત્વચાના પીએચ લેવલને બેલેન્સ કરીને ત્વચાને ફ્રેશ રાખે છે. તે પોર્સને બંધ રાખવામાં મદદ કરે છે જેથી બહારનો કચરો અંદર પહોંચતો નથી. દિવસમાં બે વખત તેનો ઉપયોગ કરો.