કાર કે બાઈક ચોરી થઈ જાય તો આ 5 પ્રોસેસ અપાવશે ક્લૅમ

જો આપની કાર અથવા બાઇક ચોરી થઇ જાય છે તો પરેશાન થવાની જગ્યાએ આપે આ સ્થિતિ સામે ઝઝુમવા માટે જરૂરી પગલું ઉઠાવવું જોઇએ. જો આપ સમજી વિચારીને ખરી રીતે પગલું ઉઠાવો છો તો આપ આવી સ્થિતિમાં ઉત્તમ રીતે તેનો હલ કરી શકશો અને આપનું નુકસાન પણ નહીં થાય.

આપે સૌથી પહેલાં ગાડીની RC બુક ઇન્શ્યોરન્સની કોપી અને ડ્રાઇવિંગ લાયસન્સની કોપી કલેક્ટ કરવી જોઇએ. આગળની બાદમાં જે પણ પ્રોસેસ થશે તેમાં આ ડોક્યુમેન્ટની જરૂરિયાત રહેશે.

પોલીસમાં કરાવો કમ્પ્લેઇનઃ
આપ સૌથી પહેલા ઘટનાનો સમગ્ર અહેવાલ લખીને એક એપ્લીકેશન તૈયાર કરો. આ એપ્લીકેશનને પોલીસ સ્ટેશનમાં જમા કરાવી દો. કમ્પ્લેઇન સાથે ગાડીનું રજિસ્ટ્રેશન સર્ટિફિકેટ (RC) અને ઇન્શ્યોરન્સ પોલિસીની કોપી પણ જમા કરાવો. આપની કમ્પ્લેઇન ફાઇલ થયા બાદ પોલીસ મામલો દાખલ કરીને ફર્સ્ટ ઇનફોર્મેશન રિપોર્ટ (FIR) રજૂ કરશે.

ઇન્શ્યોરન્સ કંપનીને ઇન્ફોર્મ કરોઃ
FIR કરાવ્યાં બાદ આપે ઇન્શ્યોરન્સ કંપનીને ગાડી ચોરી થયાંની જાણકારી આપવી જોઇએ. ત્યાર બાદ ખરી રીતે ભરેલ ક્લેમ ફોર્મ RC બુકની કોપી ઇન્શ્યોરન્સ પોલિસીની કોપી અને FIRની કોપી ઇન્શ્યોરન્સ કંપની પાસે જમા કરાવવી જોઇએ. ક્લેમ કરવામાં મોડું ન કરો અને તમામ ડોક્યુમેન્ટ એક વખતમાં જ જમા કરાવો.

ઇન્શ્યોરન્સ કંપની આપશે ક્લેમઃ
એવામાં ઇન્શ્યોરન્સ કંપની ઘટનાનો રિપોર્ટ તૈયાર કરવા માટે સર્વેયરની નિયુક્તિ કરશે. એવામાં જ્યારે પણ સર્વેયર તરફથી આપને બોલાવવામાં આવે તો આપ જઇને ઘટનાનો અહેવાલ આપે. સર્વેયરથી રિપોર્ટ મળ્યા બાદ ઇન્શ્યોરન્સ કંપની કાર અથવા બાઇકની એશ્યોર્ડ વેલ્યૂનું પેમેન્ટ કરશે. એટલે કે તે સમયે કાર અથવા બાઇકની જે વેલ્યુ રહેશે એટલે કે ઇન્શ્યોરન્સ કંપની તેનાં આધાર પર પેમેન્ટ કરશે.