વોટ્સએપ તેના યુઝરની સિક્યોરિટી અને પ્રાઈવેસી માટે ઘણાં ફીચર ઓફર કરે છે. કંપનીનો હમેશાં પ્રયાસ હોય છે કે તે યુઝર્સના વોટ્સએપ એકાઉન્ટને હેકર્સથી સેફ રાખે. Pegasus સ્પાયવેરથી જોડાયેલ કિસ્સાઓ સામે આવ્યા બાદ વોટ્સએપ એકાઉન્ટને સેફ રાખવું જરૂરી છે.
વોટ્સએપ યુઝર્સ માટે કામની ટ્રિક
આ સેટિંગ કરવાથી નહીં હેક થાય તમારું વોટ્સએપ એકાઉન્ટ
વોટ્સએપને સેફ રાખવા આ ફીચર છે બેસ્ટ
પેગાસસ એ જ સ્પાયવેર જેણે ગયા વર્ષે 120 ભારતીયોના ફોનને હેક કરી લીધા હતા. એટલું જ નહીં એમેઝોનના માલિક જેફ બેઝોસના ફોનને હેક કરવા માટે પણ તેનો જ ઉપયોગ કરવામાં આવ્યો હતો. જેથી તમારા વોટ્સએપને સેફ રાખવા માટે અમે તમને વોટ્સએપ પર ટૂ-સ્ટેપ વેરિફિકેશન ફીચર વિશે જણાવવા જઈ રહ્યાં છીએ. આને એક્ટિવ કરીને તમે વોટ્સએપ ડેટાની સિક્યોરિટીને વધુ સારી બનાવી શકો છો. આ ફીચર એક્ટિવેટ થવા પર ફોન રિસેટ અથવા સિમ ચેન્જ કરતી વખતે વોટ્સએપ એકાઉન્ટમાં લોગઈન કરવા માટે 6 આંકડાવાળો એક પાસકોડની જરૂર પડે છે. ચાલો જાણીએ કઈ રીતે આ ફીચર એક્ટિવેટ કરવું.
આ રીતે એક્ટિવેટ કરો ટૂ-સ્ટેપ વેરિફિકેશન
ટૂ-સ્ટેપ વેરિફિકેશનને એક્ટિવેટ કરવા માટે વોટ્સએપ ઓપર કરીને સેટિંગમાં જાઓ. અહીં એકાઉન્ટ સેક્શનમાં તમને ટૂ-સ્ટેપ વેરિફિકેશનનો ઓપ્શન મળશે. જેને સેટિંગમાં જઈને ઈનેબલ કરી દો. આટલુ કર્યા બાદ તમારી પાસેથી 6 આંકડાનો પિન એન્ટર કરવો પડશે.
પિન કન્ફર્મ કર્યા બાદ વોટ્સએપ તમને એક ઈમેલ એડ્રેસ એડ કરવાનું કહેશે. આ ઈમેલ એડ્રેસનો ઉપયોગ તમે પિન ભૂલાઈ જવા પર તેને રિસેટ કરવા માટે કરી શકો છો. ધ્યાન રાખવું કે, ઈમેલ એડ્રેસમાં તમારાથી કોઈ ભૂલ ન થાય, કારણ કે પછી વોટ્સએપ તેને વેરિફાઈ નહીં કરી શકે. ઈમેલ એડ્રેસ આપવું કે ન આપવું તમારી પર નિર્ભર કરે છે. તમે ઈચ્છો તો આ સ્ટેપ છોડી શકો છો.
ફિંગરપ્રિંટ લોકથી વધારો સેફ્ટી
ગયા વર્ષે વોટ્સએપે ફિંગરપ્રિંટ ફીચર લોન્ચ કર્યું હતું. આ ફીચરની મદદથી તમે તમારા વોટ્સએપ એકાઉન્ટને ફિંગરપ્રિંટથી સિક્યોર કરી શકો છો. તેને ઈનેબલ કરવા માટે વોટ્સએપ સેટિંગમાં એકાઉન્ટ ઓપ્શનમાં જાઓ અને પ્રાઈવેસી પર ટેપ કરો. અહીં સૌથી છેલ્લે ફિંગલપ્રિંટ લોકનો ઓપ્શન દેખાશે, તેને ઓન કરી દો.