ટેલિકોમ / Jioની ફ્રી વોઈસ અને વીડિયો કોલિંગ સુવિધા ફોનમાં એક્ટિવેટ કરવા, આ સ્ટેપ્સ કરો ફોલો

• Reliance Jio આપી રહ્યું છે નવી સર્વિસ
• ફ્રીમાં વોઈસ-વીડિયો કોલિંગ કરો
• એક્ટિવ કરવા ફોલો કરો આ સ્ટેપ્સ

જિયોના ડિરેક્ટર આકાશ અંબાણીએ કહ્યું, અત્યારે એક એવરેજ જિયો યુઝર દર મહિને 900 મિનિટનો વોઈસ કોલિંગ કરે છે. યુઝરની વધતી સંખ્યા જોઈને જિયો વાઈ-ફાઈ કોલિંગ લોન્ચ કરવામાં આવ્યું અને હવે તેમાં બેસ્ટ વોઈસ કોલિંગ મળે તે કંપનીનું લક્ષ્ય છે. આ સર્વિસને તમે અહીં જણાવેલાં સરળ સ્ટેપ્સ ફોલો કરી સ્માર્ટફોનમાં એક્ટિવ કરી શકો છો. 

આ રીતે એન્ડ્રોઈડ ફોનમાં VoWi-Fi એક્ટિવેટ કરો

• ફોનના સેટિંગ્સ ઓપ્શનમાં જાઓ.
• અહીં આપેલા કનેક્શન ફીચર પર ટેપ કરો.
• ત્યારબાદ તમને અહીં વાઈ-ફાઈ કોલિંગનું ઓપ્શન મળશે.
• ઓપ્શનની ડાબી બાજુએ આપેલા ટોગલને ઓન કરી દો.

IOS પર આ રીતે એક્ટિવેટ કરો

• સેટિંગ્સમાં આપેલા ફોન ઓપ્શનમાં જાઓ.
• કોલ્સ સેક્શનની નીચે આપેલા વાઈ-ફાઈ કોલિંગ ઓપ્શન પર ટેપ કરો.
• હવે Wi-Fi Calling on This iPhone વાળા ટોગલને ઓન કરી દો.

જિયોની આ નવી સર્વિસને યુઝ કરવા માટે એન્ડ્રોઈડ અથવા iOS ડિવાઈસનું લેટેસ્ટ સોફ્ટવેર અપડેટ હોવું જોઈએ. સાથે જ વધુ સારા કોલિંગ એક્સપીરિયન્સ માટે હાઈ-સ્પીડ ઈન્ટરનેટ અને સ્ટેબલ વાઈ-ફાઈ ઈન્ટરનેટ કનેક્શન હોવું પણ જરૂરી છે.

150 હેન્ડસેટને મળ્યો સપોર્ટ

જિયોની આ સર્વિસ 150 હેડસેટ્સ પર જિયો યુઝર્સને ફ્રી વોઈસ અને વીડિયો કોલિંગ સુવિધા આપશે. એપલ, સેમસંગ, શાઓમી અને વીવો ઉપરાંત કેટલીક કંપનીઓએ પોતાના ડિવાઈસમાં HD વોઈસ ફીચર ઈનેબલ કરી દીધું છે. આ યુઝર્સ કોઈપણ અડચણ વિના ફ્રી વાઈ-ફાઈ કોલિંગ એક્સપીરિયન્સ મળશે.

કોઈપણ ભારતીય નંબર પર ફ્રી કોલ્સ

કંપનીએ કહ્યું છે કે, તે આ સર્વિસ માટે યુઝર્સ પાસેથી કોઈ પ્રકારનો ચાર્જ નહીં લે. યુઝર દેશમાં ક્યાંય પણ અને કોઈપણ ભારતીય નંબર પર ફ્રી કોલ્સ કરી શકે છે. તેનો મતલબ થયો કે જિયો વાઈ-ફાઈ કોલિંગનો ઉપયોગ કરનારા યુઝર રોમિંગમાં પણ ફ્રી કોલ્સનો આનંદ માણી શકશે.

એરટેલે પણ લોન્ચ કરી છે સર્વિસ

બીજી બાજુ જિયોને એરટેલથી ટક્કર મળી રહી છે. કંપનીએ હાલમાં એરટેલ વાઈ-ફાઈ દેશભરમાં શરૂ કરી છે. એરટેલની આ સર્વિસને કોઈપણ એરટેલ યુઝર ઘરે અથવા પબ્લિક વાઈ-ફાઈ નેટવર્કથી એક્સેસ કરી શકે છે. જિયોની જેમ જ એરટેલ યુઝર્સને વાઈ-ફાઈ કોલિંગ દ્વારા ફ્રીમાં સારી ઈનડોર કોલિંગ એક્સપીરિયન્સ મળશે.