તમારા કામનું / PDF ફાઈલને એડિટ કરવી છે? તો અપનાવો આ સરળ ટિપ્સ, ફટાફટ થઈ જશે કામ

• PDF ફાઈલમાં આ રીતે કરો એડીટ 
• ફટાફટ થઈ જશે તમારૂ કામ 
• આ સરળ ટીપ્સ આવશે તમારા કામ 

આપણે વાંચવા માટે પીડીએફ ફાઇલોનો સૌથી વધુ ઉપયોગ કરીએ છીએ. સમાચાર હોય કે કોઈ પુસ્તક, લોકો હવે તેને ફક્ત પીડીએફ ફાઇલમાં જ વાંચવાનું પસંદ કરે છે. હકીકતે PDF એક એવો પોર્ટેબલ ફાઇલ ડોક્યુમેન્ટ છે જેને તમે ગમે ત્યાં સરળતાથી વાંચી શકો છો.

જો તમારી પાસે પણ પીડીએફ ફાઈલ છે અને તમે તેના કન્ટેન્ટમાં થોડો ફેરફાર કરવા માંગો છો, તો આજે અમે તમને જણાવવા જઈ રહ્યા છીએ કે તમે પીડીએફ ફાઈલને કેવી રીતે એડિટ કરી શકો છો, તો ચાલો અમે તમને જણાવીએ કે પીડીએફ શું છે અને તેને કેવી રીતે એડિટ કરી શકાય છે. 

PDF file શું છે?
PDF એ એક ફાઇલ ફોર્મેટ છે જે તમારી ફાઇલને પોર્ટેબલ ફાઇલ જેમ કે ટેક્સ્ટ ફાઇલ, ફોટા, વર્ડ ડોક્યુમેન્ટ વગેરેને એક રિડેબલ ફાઈલમાં કન્વર્ટ કરે છે. આ પછી તમે ઇન્ટરનેટની મદદથી આ ફાઇલને ગમે ત્યાં મોકલી શકો છો. 

આ ફાઇલ સરળતાથી વાંચી શકાય છે. પરંતુ આ માટે તમારે પીડીએફ રીડર સોફ્ટવેરની જરૂર પડશે. આ સોફ્ટવેરની મદદથી, તમે આ ફાઇલને ખોલી શકો છો અને તેને એડિટ પણ કરી શકો છો.

PDF ફાઇલ ઓનલાઈન એડિટ કરવાનો શ્રેષ્ઠ વિકલ્પ
જણાવી દઈએ કે PDF ફાઇલ ઓનલાઈન અને ઓફલાઈન બંને રીતે એડિટ કરી શકાય છે. જો કે ઘણી વખત PDF ફાઈલ ઓફલાઈન એડિટ કરી શકાતી નથી. તેથી PDF ઓનલાઈન એડિટ કરવી એ એક સારો વિકલ્પ છે. PDF ફાઈલ ઓનલાઈન વેબસાઈટની મદદથી એડિટ કરી શકાય છે. 

આજકાલ ઘણી વેબસાઇટ્સ છે, જે PDF ઓનલાઈન એડિટ કરે છે. તમે PDF ફાઇલમાં કોઈપણ દસ્તાવેજ સરળતાથી મૂકી શકો છો. તમે તેમાં કોઈપણ મહત્વપૂર્ણ દસ્તાવેજને સાચવી શકો છો અને તેને Google ડ્રાઇવ પર અથવા ગમે ત્યાં ઓનલાઈન અપલોડ કરી શકો છો અને જ્યારે તમે ઈચ્છો ત્યારે તેને એડિટ કરી શકો છો.

PDF ફાઇલ કેવી રીતે કરશો એડિટ 
સૌ પ્રથમ તમારે તમારા મોબાઈલ અથવા કોમ્પ્યુટરમાંથી Sejda.com વેબસાઈટ પર જવાનું રહેશે. વેબસાઈટ ઓપન કરતાની સાથે જ તમારી સામે એક પેજ ખુલશે. અહીં તમે PDF ડોક્યુમેન્ટને એડિટ કરવાનો વિકલ્પ જોશો. અહીં ક્લિક કરો. 

જ્યારે તમે Edit a PDF Document પર ક્લિક કરો છો, ત્યારે બીજુમાં નવું પેજ ઓપન થશે જ્યાં તમારે PDF ફાઇલ અપલોડ કરવાની રહેશે. હવે જ્યાં Upload a PDF ફાઈલ લખેલું છે તેના પર ક્લિક કરો. જ્યારે તમારી  PDF file Upload થશે, ત્યારે તમને PDF Document દેખાશે. હવે તમે આ ફાઇલમાં ફેરફાર કરી શકો છો.