મિડલ ક્લાસ માટે નોકરી જ સર્વસ્વ હોય છે કારણ કે વધારાની આવકના કોઇ સ્ત્રોત મિડલ ક્લાસના લોકો માટે ઉપલબ્ધ નથી. પરંતુ વ્યવસાય કે નોકરી સિવાય પણ નાણાં કામવવાના ઘણા રસ્તા છે અને આ રૂપિયા તમારા જીવનમાં ખૂબ ઉપયોગી થઈ શકે છે.
ભારતમાં ઘણા બધા એવા પરિવારો છે જે માત્ર એક વ્યક્તિના પગાર પર આધારિત રહે છે એવામાં જો આવકના બીજા સ્ત્રોત ઊભા થાય તો પરિવારના સપનાઓ પૂરા કરવામાં સરળતા થઈ શકે છે. ચાલુ નોકરીની સાથે સાથે વધારના નાણાં કામવવાના ઘણા રસ્તા છે.
સ્ટોક માર્કેટમાં રોકાણ
ભારતના સ્ટોક માર્કેટમાં હજારો લોકોને સફળતા મળી છે અને એવા ઘણા બધા ઉદાહરણો છે જેમને માર્કેટમાં રોકાણ કરીને ખૂબ પૈસા ઊભા કર્યા હોય. ચાલુ નોકરીમાં એકસ્ટ્રા મની માટે શેરબજારને એક સુરક્ષિત ઓપ્શન રૂપે જોવામાં આવે છે અને ખૂબ ઓછી રકમ સાથે શેરબજારમાં રોકાણ કરવાની તક મળી શકે છે.
ફ્રીલાન્સિંગ
હાલનાઆ સમયમાં સૌથી વધારે ઉપયોગી અને લોકપ્રિય ઓપ્શન છે ફ્રીલૅન્સ તરીકે કામ કરવું. તમને જે ક્ષેત્રમાં કુશળતા પ્રાપ્ત હોય તેના માટે નોકરી સિવાયના સમયમાં તમે તે જ કામ કરી શકો છે. ઈન્ટરનેટ પર એવી ઘણી બધી વેબસાઇટ અને એપ્સ છે જે આ રીતે છૂટક કામ કરનારા લોકોને તેમના ક્લાઈન્ટ સુધી પહોંચાડે છે. તમારામાં જે કૌશલ્ય છે તેના દ્વારા તમે છૂટક કામ કરીને સારી એવી રકમ ખૂબ સરળતાથી ઊભી કરી શકો છે. આટલું જ નહીં આ ક્ષેત્રમાં જેમ જેમ અનુભવ વધે તેમ તમારા નાણાંમાં વધારો પણ કરી શકાય છે.
E-કોમર્સ
ભારતમાં છેલ્લા 15 વર્ષમાં ઇકોમર્સ ક્ષેત્રે ખૂબ મોટો ઉછાળો જોવા મળ્યો છે. નાના પાયે બિઝનેસ કરી રહેલા વેપારીઓ માટે ઇકોમર્સ જાણે વરદાનના રૂપમાં કામ કરી રહ્યું છે. તમારા વેપારને આગળ વધારવા માટે ખૂબ સરળતાથી ઇકોમર્સ ક્ષેત્રમાં આવી શકો છો અને ટેકનોલોજીની મદદથી તમારો વેપાર દેશના ખૂણેખૂણે પહોંચાડી શકાય છે.
Blogging
Blogging પણ નોકરી સિવાયની આવક ઊભી કરવા માટે સૌથી મોટું સાધન બની શકે છે. માત્ર તમારા વિચારો ઈન્ટરનેટ પર મૂકવા અને તેનામાંથી આવક પ્રાપ્ત કરવાથી સરળ બીજું શું હોય શકે? બ્લોગ લખવા પાછળ કોઇ પણ એકસ્ટ્રા રોકાણની પણ જરૂર પડતી નથી અને સમયનું કોઇ પણ બંધન રહેતું નથી.