લોકડાઉન / લોકડાઉનમાં ઘરે જ આ સરળ રીતથી કરો હેર સ્પા, મહિલા અને પુરૂષો બંનેના વાળ થશે હેલ્ધી

• લોકડાઉનમાં વાળનું રાખો ધ્યાન
• પાર્લર નથી જઈ શકતા તો ઘરે જ કરો હેર સ્પા
• આ સિમ્પલ સ્ટેપ્સ ફોલો કરી કરો હેર સ્પા

હેર સ્પા માટે તમે પાર્લર જરુર જતા હશો.અત્યારે કોરોનાના કહેરના લીધે લોકો ઘરમાં લોકડાઉનમાં છે. પાર્લરો પણ બંધ છે. પાર્લર જઇને હેર સ્પા કરાવવાનુ વિચારવાનુ પણ અશક્ય છે. જો તમે પાર્લર જેવો સ્પા તમારા ઘરમાં કરી લો તો તમને સુંદર શાઇની વાળ મળી શકે છે. 

કેવી રીતે કરશો સ્પા

વાળને સ્વસ્થ રાખવા માટે તેને પર્યાપ્ત પોષણ આપવુ પણ જરુરી છે. આ માટે સારી રીતે વાળની તેલ માલિશ કરો જેથી તમારા વાળને યોગ્ય પોષણ મળી શકે. વાળમાં સારી રીતે તેલ માલિશ કર્યા બાદ પછીનું સ્ટેપ હશે સ્ટીમિંગ

સ્ટીમિંગ

હવે વાળમાં સ્ટીમ લો. સ્ટીમની સહાયતાથી ઓઇલ વાળની જડ સુધી પહોંચી જશે. તેના માટે તમે ગરમ પાણીમાં ટુવાલ બોળીને તેને સારી રીતે નીચોવી લો અને તમારા વાળ તેમાં લપેટીને રાખો, આ પ્રક્રિયા 2થી 3 વાર કરો. સ્ટીમિંગ બાદ શેમ્પુ કરી લો. કોઇ માઇલ્ડ શેમ્પુનો ઉપયોગ કરો. જેથી વાળમાં સોફ્ટનેસ જળવાયેલી રહે. શેમ્પુ બાદ એક કટોરીમા કંડીશનર લો. તેમાં નારિયેળ તેલને સારી રીતે મિક્સ કરી લો. હવે આ પેસ્ટને સંપુર્ણ રીતે વાળમાં લગાવો. 5 મિનિટ રાખ્યા બાદ એક વાર ફરી શેમ્પુ કરી લો.

હેર માસ્ક

વાળની દેખભાળ માટે હેર માસ્ક બહુ જરુરી હોય છે. આ માટે તમારે દહીં અને લીંબુનો હેર માસ્ક તૈયાર કરવાનો છે. તમે વીકમાં એક વાર આ માસ્કનો ઉપયોગ કરી શકો છો.