કામની ટિપ્સ / વારંવાર મોબાઇલ STORAGE ફૂલ થઇ જાય છે? આ કામ કરી લો હળવોફૂલ થઇ જશે તમારો સ્માર્ટફોન

• વારંવાર મોબાઇલની સ્ટોરેજ ફૂલ થઇ જાય છે?
• સ્ટોરેજ કંટ્રોલ કરવાની આ સરળ રીતો
• નાની નાની ભૂલોના કારણે મોબાઇલ થાય છે હેંગ

જરૂર ન હોય ત્યારે અનઇન્સ્ટોલ કરો
આપણે ઘણી વખત ફોનમાં ઘણી બધી એપ્સ ઇન્સ્ટોલ કરીએ છીએ, પરંતુ પછી જ્યારે જરૂર ન હોય અથવા તો કેટલીક એવી એપ્સ હોય છે જેનો આપણે ઉપયોગ કરતા નથી અને તે આપણા સ્માર્ટફોનના સ્ટોરેજને ખાઈ જાય છે. આવી એપ્સની જરૂર ન હોય ત્યારે ડીલીટ કરો અને પછી ભવિષ્યમાં એપની જરૂર પડે ત્યારે એપને ફરીથી ડાઉનલોડ કરો.

ડાઉનલોડ કરેલી સામગ્રીને કાઢી નાખવી પણ મહત્વપૂર્ણ છે
ખાતરી કરો કે તમે તમારા સ્માર્ટફોનમાં ડાઉનલોડ કરેલી મૂવીઝ, ગીતો અને અન્ય મીડિયા ફાઇલોને નિયમિતપણે દૂર કરો છો જેની જરૂર નથી અથવા જરૂરિયાત પૂરી થયા પછી ફોનમાંથી દૂર કરો.

WhatsApp ખાય છે સ્ટોરેજ
ફેસબુકની ઇન્સ્ટન્ટ મેસેજિંગ એપ વ્હોટ્સએપ એકબીજા સાથે જોડાયેલા રહેવાની એક શ્રેષ્ઠ રીત બની ગઈ છે અને તે જ સમયે દરેક વ્યક્તિના જીવનનો એક ભાગ બની ગઈ છે. તમે WhatsApp પર ફોટા, વીડિયો અને અન્ય મીડિયા ફાઇલો પણ મોકલતા અને મેળવતા હશો, પરંતુ જ્યારે WhatsApp પર આવતા ફોટા કે વીડિયો તમારા ફોનની ગેલેરીમાં જમા થવા લાગે છે, ત્યારે ફોનનો સ્ટોરેજ ધીમે ધીમે ભરાઈ જાય છે. આના માટે શ્રેષ્ઠ ઉપાય એ છે કે WhatsAppના સેટિંગમાં જઈને મીડિયા વિઝિબિલિટી વિકલ્પને બંધ કરી દો.

APP Cache હટાવવું જરૂરી
Cacheને દૂર કરવું જરૂરી છે, જ્યારે પણ તમે એપને ખોલો છો અથવા તેને જેમ છે તેમ ઉપયોગ કરો છો, એપની Cache જમા થવા લાગે છે, તમે ફોનના સેટિંગ્સમાં એપ્લિકેશનમાં જઈને તેને સરળતાથી દૂર કરી શકો છો. નોંધનીય એક વાત એ છે કે સેટિંગ ફોનથી ફોનમાં બદલાઈ શકે છે. ઍપની Cache ડિલિટ કરવાથી ફોનની ઘણી મેમરી સેવ થશે.