કામની વાત / વારંવાર ગળ્યું ખાવાનું મન થાય છે : તો ખાંડને રિપ્લેસ કરી દો આ વસ્તું સાથે, રહેશો હંમેશા ફીટ

• વારંવાર ગળ્યું ખાવાનું મન થાય છે?
• આ ચીજવસ્તુઓ ખાવાથી નહી થાય ક્રેવિંગ
• શુગર ક્રેવિંગથી ગેરફાયદા થાય છે

કેટલાંક લોકો ગળ્યું ખાવાના એટલા શોખીન હોય છે કે તેઓ શુગર ક્રેવિંગ પર કન્ટ્રોલ નથી કરી શકતા અને થોડા થોડા સમયે મિષ્ટાન્ન ખાવાનાં બહાનાં શોધતાં હોય છે. શુગર ક્રેવિંગ બહુ સામાન્ય સમસ્યા છે જે મહિલાઓમાં વધુ જોવા મળે છે. એક રિપોર્ટ મુજબ પુરુષોમાં ૬૮ ટકા શુગર ક્રેવિંગની સમસ્યા હોય છે, તો ૯૭ ટકા મહિલાઓ ક્રેવિંગનો શિકાર છે. ડાયેટરી ગાઈડલાઈન ઓફ અમેરિકન્સ મુજબ, આપણા રોજના કેલરી ઇન્ટેકમાં વધુમાં વધુ 10 ટકા શુગર જ હોવી જોઈએ. મતલબ જો તમે ૨૦૦૦ કેલરી લો છો તો એમાં ૧૨ ચમચીથી વધુ મીઠી વસ્તુ ખાવાથી તમારા આરોગ્યને નુકસાન પહોંચી શકે છે.

શુગર ક્રેવિંગથી થતા ગેરફાયદા
- શરીરમાં ડીહાઈડ્રેશનની ફરિયાદ
- હોર્મોનલ ફેરફાર
- તણાવમાં વધારો
- ન્યુટ્રિશનની ઉણપ થવી
- બેડ કોલેસ્ટ્રોલ વધી શકે છે
- હાર્ટ પ્રોબ્લેમ થઈ શકે છે
- મેદસ્વિતામાં વધારો

શુગર ક્રેવિંગ થાય તો આ હેલ્ધી વસ્તુઓનું સેવન કરો
બેરીઝ
જો તમને ગળ્યું ખાવાનું મન થાય તો વિવિધ પ્રકારની બેરીઝ ખાઓ. એ તમારા શરીરમાં એન્ટી ઓક્સિડન્ટ, વિટામિન્સ, મિનરલની આપૂર્તિ કરશે અને તમે ગળ્યું એન્જોય પણ કરી શકશો.
ડાર્ક ચોકલેટ્સ 
જો તમને કેક, ચોકલેટ, કૂકીઝ વગેરે ભાવતું હોય તો એને બદલે ડાર્ક ચોકલેટનું સેવન કરી શકો છો. રિસર્ચ મુજબ ડાર્ક ચોકલેટમાં એન્ટી ઓક્સિડન્ટ અને એન્ટી ઇન્ફ્લામેન્ટરી ગુણ હોય છે જે આરોગ્ય માટે ફાયદાકારક છે.

ચિયા સીડ્સ

ચિયા સીડ્સમાં ભરપૂર માત્રામાં ઓમેગા થ્રી ફેટી એસિડ, ફાઈબર વગેરે મળે છે જે તમારી ક્રેવિંગ ઘટાડે છે. એવામાં તમે ટીવી જોતી વખતે કે કામ કરતી વખતે બિસ્કિટ કે કેકને બદલે રોસ્ટેડ ચિયા સીડ ખાઈ શકો છો.

ખજૂર

ખજૂર ન્યુટ્રિશનલ વેલ્યુથી ભરપૂર હોય છે. તેમાં ફાઈબર, પોટેશિયમ, આયર્ન વગેરે હોય છે. એટલે ગળ્યું ખાવાનું મન થાય તો ખજૂર ખાઓ.

પિસ્તાં

પિસ્તાંમાં હાઈ પ્રોટીન, ફાઈબર, હેલ્ધી ફેટ હોય છે જે સારા સ્વાસ્થ્ય માટે જરૂરી છે. શુગર ક્રેવિંગ થાય તો પિસ્તાં ઉત્તમ છે.

ગ્રીક યોગર્ટ

ગ્રીક યોગર્ટને તમે મીઠી વસ્તુ સાથે સરળતાથી રિપ્લેસ કરી શકો છો. એ સ્વાદમાં ટેસ્ટી અને સ્વીટ હોય છે પણ સ્વાસ્થ્યને નુકસાનને બદલે ફાયદો પહોંચાડે છે.

ચીઝ 

ચીઝમાં ભરપૂર માત્રામાં પ્રોટીન, ગુડ ફેટ, સોડિયમ, કેલ્શિયમ વગેરે હોય છે જે લગભગ દરેક ફ્રીજમાં હોય છે. તમે ચીઝ ક્યુબ્સ સાથે પણ રાખી શકો છો અને ક્રેવિંગમાં તેને ખાઈ શકો છો