બેઠાડુ જીવન અને શ્રમ વિનાના કાર્યોને કારણે શરીર સુસ્ત થવા લાગે છે પરિણામે શરીરમાં રોગની એન્ટ્રી થાય છે. તેવો જે એક રોગ એટલે કોલેસ્ટ્રોલ, જેના હોય છે ત્રણ પ્રકાર
કોલેસ્ટ્રોલને કાબૂમાં લેવો જરુરી
નહી તો સાબિત થઇ શકે છે જીવલેણ
કોલેસ્ટ્રેલના હોય છે ત્રણ પ્રકાર
ફાસ્ટ લાઇફસ્ટાઇલને લીધે લોકો પોતાના સ્વાસ્થ્ પ્રત્યે બેદરકાર થઇ ગયા છે. સમયસર જમે નહી અથવા તો ફાસ્ટફૂડ ખાય. ખોરાકમાં અનિયમિતતા અને અનહેલ્ધી ફુડને કારણે શરીર બગડી શકે છે,. વળી આજકાલ માર્કેટમાં રેડી ટુઇટ અને ઇન્સ્ટન્ટ બનતી વસ્તુઓ વધારે મળી રહી છે પરિણામે દર બીજી વ્યક્તિમાં કોલેસ્ટ્રોલ જોવા મળે છે.
કોલેસ્ટ્રોલના કેટલા પ્રકાર ?
કોલેસ્ટ્રોલ એ શરીરમાં મીણ જેવો પદાર્થ છે.તે શરીરમાં વિટામિન-ડી, પિત્ત અને હોર્મોન્સ બનાવે છે. માંસાહારી ખોરાકમાં કોલેસ્ટ્રોલ વધુ માત્રામાં જોવા મળે છે, તે શરીરનો એક એવો પદાર્થ છે જે લોહીમાં ઓગળતો નથી. કોલેસ્ટ્રોલ ત્રણ પ્રકારના હોય છે, એલડીએલ જેને ખરાબ કોલેસ્ટ્રોલ તરીકે પણ ઓળખવામાં આવે છે, એચડીએલ કે જે ગુડ કોલેસ્ટ્રોલ અને વીએલડીએલ તરીકે ઓળખાય છે. કોલેસ્ટ્રોલ હોવાને કારણે હૃદય રોગ થાય છે, જેના કારણે શરીરમાં અન્ય રોગો થવા લાગે છે. કોલેસ્ટ્રોલને કંટ્રોલ કરવા માટે આપણે આપણા આહારની સાથે આપણી જીવનશૈલીમાં પણ ફેરફાર કરવાની જરૂર છે. તો ચાલો જાણીએ ખોરાક કેવો લેવો જેનાથી કોલેસ્ટ્રોલ કંટ્રોલમાં આવે.
કોલેસ્ટ્રોલને કંટ્રોલમાં લાવવા શું કરશો ?
લસણ
લસણ મોટાભાગે દરેકના રસોડામાં જોવા મળે. જો તમને લસણ ભાવતુ હોય તો રોજે તેનું સેવન કરો. આનાથી કોલેસ્ટ્રોલ કંટ્રોલમાં આવી શકે છે. સાથે જ બીપી અને ડાયાબિટીસ જેવા રોગોમાં પણ રાહત આપે છે.
ગ્રીન ટી
ગ્રીન ટી સ્વાસ્થ્ય માટે ખૂબ જ ફાયદાકારક છે, તે માત્ર વજન ઘટાડવામાં જ મદદરુપ નથી પરંતુ કોલેસ્ટ્રોલને પણ કંટ્રોલ કરે છે.ગ્રીન ટીમાં કેફીનની માત્રા વધુ હોય છે, જેના કારણે તે કોલેસ્ટ્રોલને નિયંત્રિત કરવામાં અસરકારક છે.
ડ્રાયફ્રૂટ્સ પણ ઉપયોગી
સૂકા ફળો શરીરને પોષક તત્વો પૂરા પાડે છે. દરરોજ ડ્રાયફ્રૂટ્સ ખાવાથી શરીરમાં કોલેસ્ટ્રોલ કંટ્રોલમાં રહે છે કારણ કે તેમાં ફાઈબર, પ્રોટીન અને વિટામિન-ઈ મળી આવે છે, તેથી તે ખૂબ જ અસરકારક છે.
ઓટ્સ
ઓટ્સ ઉચ્ચ ફાઈબરનો સારો સ્ત્રોત છે. દરરોજ સવારે ઓટ્સનું સેવન કરવાથી કોલેસ્ટ્રોલ નિયંત્રણમાં રહે છે.તે 5.3% સુધી એલડીએલ એટલે કે ખરાબ કોલેસ્ટ્રોલ ઘટાડી શકાય છે.