ઘણીવાર પોતાના મનનું ધાર્યુ ન થાય અથવા તો કોઇ કામ વ્યવસ્થિત ન થાય તો ગુસ્સો આવી જાય છે અને ગુસ્સો કંટ્રોલ કરવો મુશ્કેલ થઇ જાય છે.
ગુસ્સાને કરો કંટ્રોલ
આ ટિપ્સની મદદથી કરો કંટ્રોલ
ઉંડા શ્વાસ લો જેથી મગજ શાંત કરે
ગુસ્સાના કારણે ઘણા કામ ખરાબ થઇ જાય છે. ઘણીવાર સંબંધોનો અંત આવી જાય છે તો કેટલીક વાર આપણુ પોતાનું જ નુક્સાન થઇ જાય છે. આપણુ નુકસાન થાય તેના કરતા આપણે ગુસ્સો મેનેજ કરતા શીખી લેવું જોઇએ. કેટલીક ટિપ્સને ફોલો કરવાથી ગુસ્સો કંટ્રોલ થઇ જાય છે.
સકારાત્મક વિચારો
જ્યારે પણ તમને ખુબ ગુસ્સો આવે છે ત્યારે તમે સકારાત્મક વિચારો. કોણ શું કરી રહ્યું છે અને કેમ કરી રહ્યું છે તેના કરતા કોઇ સારી વાત વિચારો જેનાથી તમને ખુશી મળે છે. આવુ કરવાથી તમારો ગુસ્સો શાંત થઇ જાય છે.
શાંત રહો અને ઉંડા શ્વાસ લો
ગુસ્સામાં હાર્ટબીટ વધી જાય છે. આવામાં ઉંડા શ્વાસ લો જેના કારણે તમારા શરીરની ઇન્દ્રીઓને આરામ મળશે. તેનાથી મગજ પર તણાવ નહી વર્તાય અને ગુસ્સો કાબૂમાં લાવવામાં મદજદ મળશે.
ઉંડાણથી વિચારો
એક વાર તમારો ગુસ્સો ઓછો થઇ જાય ત્યારે તે વાતને ઉંડાણથી વિચારો કે આ વાત પર ગુસ્સો કરવો યોગ્ય હતો? જો તેનો જવાબ ના આવે છે તો તમે જાતે જ સમજી જશો કે આ પ્રકારની બીજી ઘટના ઘટે તો તમારે ગુસ્સો ન કરવો જોઇએ.
પોતાની સાથે સમય પસાર કરો
જ્યારે પણ તને ગુસ્સો આવે તો પોતાની સાથે સમય પસાર કરો. તેનાથી અન્યવિચારો આવશે અને જે વાત પર ગુસ્સો આવ્યો હતો તે વાત ભૂલી જશો. પોતાની સાથે સમય વિતાવવો જરૂરી છે.
પૂરતી ઉંઘ લો
ઘણી વાર ગુસ્સો આવવાનુ કારણ ઉંઘ પૂરી ન થઇ હોય તે પણ હોઇ શકે છે. વાત વાત પર આપણે ચિડાઇ જતા હોઇએ છીએ ત્યારે બીજા લોકો પર ખીજ કાઢતા હોઇએ છીએ પરંતુ માણસે હંમેશા ઉંઘ પૂરી કરી લેવી જોઇએ. જેના કારણે તેને ગુસ્સો ન આવે.