કોરોના વાયરસ / ના હોય ! સ્માર્ટફોન અને ગેઝેટ્સથી પણ ફેલાઇ શકે છે કોરોના વાયરસ, આ બાબતનું રાખો ખાસ ધ્યાન

• કોરોના વાયરસે મચાવ્યો હાહાકાર
• સ્માર્ટફોન અને ગેઝેટ્સથી પણ ફેલાઇ શકે છે કોરોના વાયરસ
• ગેઝેટ્સને સુરક્ષિત રાખવા કરો આ કામ

લોકોના જીવનનો મહત્વનો ભાગ બની ગયેલા સ્માર્ટફોન અને ગેઝેટ્સને આખરે કઈ રીતે કોરોનાથી સુરક્ષિત રાખી શકાય છે એ જાણવું પણ જરૂરી છે. મોટાભાગના લોકોને લાગે છે કે, માત્ર સ્માર્ટફોન વાઈપ કરી લેવાથી ફોન સાફ થઈ જશે પરંતુ આ રીતે જરાય કારગર નથી. તમારે તેને સુરક્ષિત રાખવા બીજી રીત અપનાવવી પડશે. 

આલ્કોહોલથી રબ કરો

જો તમે તમારા સ્માર્ટફોન અને ગેઝેટ્સને કોરોના વાયરસથી સુરક્ષિત કરવા માંગો છો તો isopropyl alcoholનો ઉપયોગ કરી શકો છો. તેના માટે distilled waterનો બે ભાગ અને આઈસોપ્રોપિલ આલ્કોહોલનો એક ભાગ લઈને મિક્સ કરી દો. પછી આ સોલ્યૂશનને માઈક્રોફાબર ક્લોથ પર સ્પ્રે કરો. પછી તરત જ તેનાથી ફોન અને ગેઝેટ્સ લૂછી લો. ત્યારબાદ ડ્રાય ક્લોથથી ફોન લૂછી લો. તમે લોકલ ફાર્મસીથી આલ્કોહોલ વાઈપ અથવા લેંસ વાઈપનો પણ ઉપયોગ કરી શકો છો. 

યૂવી લાઈટ સેનિટાઈઝર

જો તમે તમારા સ્માર્ટફોનને ક્લિન કરવા માટે કોઈપણ લિક્વિડનો ઉપયોગ ન કરવા માંગતા હોવ તો ફોન અને ગેઝેટ્સ માટે સેનિટાઈઝરનો પણ ઉપયોગ કરી શકો છો. જોકે, આ રીત મોંઘી છે. 

કવર પણ સાફ કરો

માત્ર ફોન અને ગેઝેટ્સને ક્લિન રાખવાથી કંઈ નહીં થાય, તેના કવર પણ ગંદા હોય છે અને તેની પર પણ વાયરસનો ડર રહેલો છે. જેથી કવર પણ ક્લિન કરવા જરૂરી છે. જો તમારી પાસે પ્લાસ્ટિક અથવા સિલિકોન કેસ છે તો તેને સાબુવાળા પાણીથી ધુઓ. લેધરનું કવર હોય તો માઈક્રોફાઈબર ક્લોથ પર સાબુવાળું પાણી લઈ લૂછી લેવું.