પોલ્યુલર બ્રાન્ડની સાથે ઘણી વખત તેની નકલી વસ્તુઓ પણ બજારમાં વેચાતી થઇ જતી હોય છે. આવું જ કંઇક Xiaomi સાથે પણ થઇ રહી છે. Xiaomiએ લોકોને ડુપ્લીકેટ વસ્તુઓથી સાવધ રહેવા આગ્રહ કર્યો છે. કંપનીએ ગયા મહીને દિલ્હી પોલીસમાં ફરિયાદ પણ નોંધાવી છે
Xiaomiએ પોતાના ગ્રાહકોને અલર્ટ કરતા કહ્યું
નકલી પ્રોડક્ટ પર જે લોગો હોય છે તે અસલી લોગો કરતા અલગ જ હોય છે
Xiaomiએ પોતાના ગ્રાહકોને અલર્ટ કરતા કહ્યું કે Xiaomiનાં ગેજેટ્સ લેતા સમયે સાવધાન રહેવું કારણકે માર્કેટમાં ફેક પ્રોડક્ટની સંખ્યા ખુબ વધી ગઈ છે. કંપનીએ ગયા મહીને દિલ્હી પોલીસમાં ફરિયાદ પણ નોંધાવી છે. જો તમે પણ Xiaomiની પ્રોડક્ટ વાપરો છો, અથવા ખરીદવાના છો તો આ 6 રીતે તમે તપાસ કરી શકો છો કે પ્રોડક્ટ અસલી છે કે નકલી.
Xiaomiનાં અસલી પ્રોડક્ટ Mi Fit App દ્વારા જ કામ કરે છે. આ સિવાય પણ કોઈ પણ સ્માર્ટ દિવસી કંપનીએ દ્વારા આપવામાં આવતી app દ્વારા જ ચાલે છે. નકલી ડીવાઈસની સાથે કોઈ પણ એપ સપોર્ટ નથી કરતું.
Xiaomiનાં પાવર બેંક ખરીદતી વખતે સિક્યુરીટી કોડ જરૂર ચેક કરવું જોઈએ. આ સિક્યુરીટી કોડને mi.com પર તપાસી શકાય છે. જેના દ્વારા જાણકરી મળે છે કે પ્રોડક્ટ અસલી છે કે નકલી. Xiaomiની બેટરીની વાત કરીએ તો બેટરી પર Li-Poly નું નિશાન દેખાય છે જયારે નકલી પ્રોડક્ટ પર Li-ionનું નિશાન જોવા મળે છે.
કંપનીએ તેના ગ્રાહકોને સલાહ આપી છ એકે કોઈ પણ પ્રોડક્ટ ખરીદતી વખતે Xiaomiનો લોગો ખાસ જોઈ લેવો જોઈએ. નકલી પ્રોડક્ટ પર જે લોગો હોય છે તે અસલી લોગો કરતા અલગ જ હોય છે. જો અસલી લોગો વિષે જાણકારી નાં હોય તો કંપનીની સાઈટ પર તે જોઈ શકાય છે.
રીટેલ બોક્સની પેકિંગની ગુણવત્તા પરથી પણ પ્રોડક્ટવિષે જાણકરી મળી શકે છે. કોઈ પણ પ્રોડક્ટ ખરીદતા પહેલાં તે જ પ્રોડક્ટની પેકિંગ વેબ્સાઈટ પરથી જોઈ શકાય છે. નકલી USB કેબલ જોવામાં જ ખરાબ અને કમજોર લાગે છે તેથી જો ચોકસાઈથી જોવામાં આવે તો નકલી પ્રોડક્ટ જુદી તરી આવે છે.