જોરદાર ફિચર્સ / હવે સામેવાળાને પણ ખ્યાલ ના આવે એ રીતે જુઓ તેનું WhatsApp સ્ટેટસ, નહીં આવે Seenમાં તમારું નામ

• Whatsappની આ ટેક્નિક છે ખરેખર જોરદાર
• હવે સામેવાળાને પણ ખ્યાલ નહીં આવે કે તમે તેનું વોટ્સએપ સ્ટેટસ જોયું
• તમારા ફોનમાં કરવું પડશે આ કામ

આજના જમાનામાં હવે મોટા ભાગે કોઇ પણ વ્યક્તિ વોટ્સએપ યુઝ ના કરતું હોય એવું ભાગ્યે જ બને. ત્યારે WhatsApp માં પ્રાઈવસી સહિત અનેક શાનદાર ફીચર્સ આપવામાં આવ્યાં છે. તમે જાણતા જ હશો કે જો તમે કોઈનું વોટ્સએપ સ્ટેટસ જુઓ છો તો તરત જ તમારી સામેની વ્યક્તિને તેની ખબર પડી જાય છે કે તમે તેનું સ્ટેટસ જોયું છે. પરંતુ જો તમે પણ એવું ઈચ્છો છો કે તમે સામેની વ્યક્તિનું વોટ્સએપ સ્ટેટસ જોઈ પણ શકો અને તેને તેની ખબર પણ ના પડે તો એ માટે શું કરશો? જાણો આ રહી તેની ટ્રિક...

બંધ કરો આ WhatsApp સેટિંગ

ઉદાહરણ તરીકે, જો તમે કોઈ વ્યક્તિનો વોટ્સએપ મેસેજ વાંચવા ઈચ્છો છો અને તેને ખબર પણ ન હોય તો સેટિંગ્સમાં જઈને Read Receipts ને તમે ડિસેબલ કરી દો છો. આવી જ ટ્રિક WhatsApp સ્ટેટસ માટે પણ કામ કરે છે. જો તમે કોઈનું વ્હોટ્સએપ સ્ટેટસ જોવા ઈચ્છો છો અને સામે એવું ઈચ્છો છો કે સામેની વ્યક્તિને તેની વિશે ખબર પણ ના પડે તો સૌથી પહેલાં સેટિંગ્સમાં જઈને Read Receipts ને બંધ કરી દો.

How to Disable WhatsApp Read Receipts

1) સૌ પહેલાં તમારા ફોનમાં WhatsApp એપ ઓપન કરો.

2) WhatsApp એપ ઓપન થયા બાદ ઉપર જમણી બાજુએ દેખાતા થ્રી-ડોટ્સ મેનુ પર ક્લિક કરો અને પછી અહીંયા તમારે સેટિંગ્સ વિકલ્પ પર ક્લિક કરવાનું રહેશે.

3) સેટિંગ્સમાં ગયા બાદ તમારે એકાઉન્ટ્સ પર ક્લિક કરવું પડશે અને પછી પ્રાઇવસી પર ક્લિક કરવાનું રહેશે.

4) પ્રાઇવસી ઓપ્શનમાં તમને Read Receipt વિકલ્પ મળશે, તેને ડિસેબલ કરી દો અથવા તો એમ પણ કહી શકીએ કે બંધ કરી દો.