જો તમે જૂની કાર ખરીદવા જઇ રહ્યાં છો અથવા ખરીદી ચૂક્યા છો અને તમે આ કારની યોગ્ય માહિતી કાઢવા ઈચ્છો છો તો આ અહેવાલ તમારા માટે કામનો છે. કારણકે અમે તમને અહીં એવુ જણાવવા જઇ રહ્યાં છે કે વાહનની રજીસ્ટ્રેશન ડિટેઈલ્સ કેવીરીતે ચેક કરો છો. જેમાં કારના અસલી માલિક, રજીસ્ટ્રેશનની જગ્યા, ટેક્સ જવાબદારી વગેરે સામેલ છે.
કારની યોગ્ય માહિતી કાઢવા ઈચ્છો છો?
વાહનની રજીસ્ટ્રેશન ડિટેઈલ્સ કેવીરીતે ચેક કરશો?
રજીસ્ટર વાહનના રજીસ્ટ્રેશન અંગે સરળતાથી જાણી શકો છો
રજીસ્ટર્ડ વાહનોની મળશે જાણકારી
વાહન ખરીદતા પહેલા આ ચેક કરી લેવુ અત્યંત મહત્વનું છે. આ ચેક કરવાથી તમે ખોટા નિર્ણય લેવાથી બચી શકો છો. અવાર-નવાર છેતરપિંડીના અહેવાલ સામે આવે છે. એવામાં કાર ખરીદતા પહેલા તેની જાણકારી આવશ્ય લેવી જોઈએ. જો તમે કોઈ જૂની કાર ખરીદવા માટે રૂપિયા ખર્ચ કરવા જઇ રહ્યાં છો તો તેની પહેલા આ પ્રકારની જાણકારી લેવી કોઈ ખોટી વાત નથી. તમે ફક્ત એક મેસેજની મદદથી દેશમાં રજીસ્ટર વાહનના રજીસ્ટ્રેશન અંગે સરળતાથી જાણી શકો છો.
શું મોકલવો પડશે મેસેજ?
જાણકારી પ્રાપ્ત કરવા માટે સૌથી પહેલા મેસેજમાં VAHAN <Registration Number> લખો અને 7738299899 પર મોકલી દો. તમારે મેસેજ આ રીતે ટાઈપ કરવાનો છે. સૌથી પહેલા અંગ્રેજીમાં VAAHAN લખો. પછી સ્પેસ આપો. પછી વાહનનો રજીસ્ટ્રેશન નંબર એકસાથે લખો. પછી તેને 77382 99899 પર મોકલી દો.
થોડી સેકન્ડમાં રિપ્લાય મળશે
તમે મેસેજ મોકલ્યા બાદ થોડી સેકન્ડની અંદર તમને એક રિપ્લાય મળશે. જેમાં સૌથી ઉપર વાહનનો નંબર, પછી રજીસ્ટ્રેશન કરનારી ઓથોરિટીનું નામ હશે. પછી વાહનના માલિકનું નામ લખેલુ હશે. ત્યારબાદ વાહનનો પ્રકાર, રજીસ્ટ્રેશનની મુદ્દત, ઈન્સ્યોરન્સની મુદ્દત અને સૂચના મોકલનારી એજન્સીનું નામ લખ્યું હશે.