જો તમે નોકરિયાત છો અને તમારું પ્રોવિડન્ટ ફંડ એટલે કે પીએફ કપાય છે તો આ સમાચાર તમારા માટે બહુ જ કામના છે. ચાલો જાણી લો.
પીએફ ખાતાધારક માટે કામના સમાચાર
આ સરળ રીતથી પીએફનું બેલેન્સ જાણો
મિસ્ડ કોલ દ્વારા મેળવો પીએફ ખાતાનું બેલેન્સ
હવે તમે માત્ર એક મિસ્ડ કોલની મદદથી તમારા પૈસા વિશે જાણકારી મેળવી શકો છો. તેના માટે EPFO એક નંબર રજૂ કર્યો છે. આ સિવાય ઓનલાઈન અને એસએમએસ સર્વિસથી પણ પીએફ બેલેન્સ વિશે જાણી શકાય છે.
મિસ્ડ કોલ દ્વારા પીએફ બેલેન્સ જાણવાની પ્રોસેસ
તમારા પીએફ બેલેન્સ અંગે તમે એક મિસ્ડકોલ દ્વારા જાણી શકો છો. ઈપીએફઓએ જણાવ્યું છે કે, રજિસ્ટર્ડ મોબાઈલ નંબર 011-22901406 પર મિસ કોલ કરવો પડશે. ત્યારબાદ મેસેજ દ્વારા જાણી શકાશે કે એકાઉન્ટમાં કેટલું પીએફ બેલેન્સ છે. મિસ્ડકોલ પછી તરત જ એક મેસેજ મળે છે. આ મેસેજ EPFO મોકલે છે. જો તમારી કંપની કોઈ પ્રાઈવેટ ટ્રસ્ટ છે તો તમને બેલેન્સ ડિટેલ નહીં મળે. આ માટે તમારે તમારી કંપનીનો સંપર્ક કરવો પડશે. આ સુવિધા દ્વારા સૌથી વધુ લોકો પીએફ ખાતાની જાણકારી હાંસલ કરે છે, કારણ કે તે મોબાઈલ એપ અને એસએમએસ કરતા વધુ સરળ છે.
SMS દ્વારા પીએફ ખાતાની જાણકારી
તેના માટે તમારો UAN નંબર EPFOની સાથે રજિસ્ટર્ડ હોવું જોઈએ. તમારે 7738299899 પર ‘EPFOHO UAN ENG’ લખીને મોકલવું પડશે. આ સર્વિસ અંગ્રેજી, હિન્દી, પંજાબી સહિત 10 અલગ-અલગ ભાષાઓ સપોર્ટ કરે છે. તમારા પીએફની જાણકારી મેસેજ દ્વારા મળી જશે. પીએફ બેલેન્સ માટે તમારો યૂએએન, બેંક એકાઉન્ટ, પાન નંબર અને આધારથી લિંક હોવું જોઈએ.
યુએન નંબર વિના પીએફ બેલેન્સ જાણવાની રીત
સૌથી પહેલાં ઇપીએફઓ હોમ પેજ પર લોગિન કરો- epfindia.gov.in.
'તમારું પીએફ બેલેન્સ જાણવા ક્લિક કરો' બટન પર ક્લિક કરો.
હવે તમને નવા પેજ પર મોકલવામાં આવશે. epfoservices.in.epfo.
તમારું રાજ્ય, ઇપીએફ ઓફિસ, સ્થાપના કોડ, પીએફ એકાઉન્ટ નંબર અને અન્ય વિગતો દાખલ કરો.
acknowledgement બટન અને 'I Agree' ઓપ્શન પર ક્લિક કરો.
તમારું પીએફ અથવા ઇપીએફ બેલેન્સ તમારા કોમ્પ્યૂટર મોનિટર અથવા સીએલ ફોન મોનિટર પર દેખાશે.