હેલ્થ / તમે પણ ભેળસેળ વાળું દૂધ તો નથી પીતા ને? આ સરળ ઉપાયથી જાણી લો

• દૂધમાં થતી ભેળસેળની માહિતી ઘરે બેઠા મેળવી શકો છો
• મિનિટોમાં જાણકારી મેળવી શકશો કે દૂધ અસલી છે કે નકલી!
• દૂધમાં પાણી નાખેલુ છે કે નહીં તેની પણ માહિતી મેળવી શકશો

હવે દૂધમાં ફક્ત પાણી જ નહીં, પરંતુ કેમિકલ્સ પણ ભેળવવામાં આવે છે. જે શરીર માટે ખૂબ જ હાનિકારક છે. દૂધ એક એવી વસ્તુ છે, જેનો દરરોજ ઘરમાં ઉપયોગ કરવામાં આવે છે. આવો જાણીએ દૂધ વિશે અમુક સામાન્ય માહિતી કે જેના દ્વારા ખબર પડી શકે કે દૂધમાં થતી ભેળસેળનો કેવી રીતે ભાંડાફોડ કરી શકાય.

સિન્થેટીક દૂધની ઓળખ
જો તમે દૂધને નાકથી સુંઘશો તો પણ તમે જાણી શકશો કે દૂધમાં ભેળસેળ કરવામાં આવી છે કે નહીં? જો તેમાં સાબુની ગંધ આવી રહી છે તો આ દૂધ સિન્થેટીક છે. કારણકે દૂધમાં સાબુની ગંધ આવતી નથી. તો એક વાટકામાં થોડું દૂધ લો અને પછી તેમાં હળદર મિલાવો. જો હળદર તરત ઘાટી ના થાય તો તેનો અર્થ થાય છે કે દૂધમાં ભેળસેળ કરવામાં આવી છે.

દૂધમાં પાણીની ભેળસેળ
અવારનવાર લોકોને શંકા થાય છે કે દૂધમાં પાણી ભેળવેલુ છે કે નહીં પરંતુ તમે ઘરમાં દૂધમાં પાણીની ભેળસેળને સરળતાથી ચેક કરી શકો છો. સૌપ્રથમ દૂધના ટીપાને કોઈ ચિકણી લાકડી અથવા પત્થરની સપાટી પર નાખો. શુદ્ધ દૂધના થોડા ટીપા ધીરે-ધીરે સફેદ થઈ જશે. જ્યારે પાણીથી ભેળસેળ કરેલા દૂધના ટીપા કોઈ નિશાન છોડ્યા વગર વહી જશે.

દૂધમાં ડીટરજન્ટની ભેળસેળ
સૌપ્રથમ બરાબર માત્રામાં થોડુ દૂધ અને પાણી લો. દૂધ અને પાણીને હલાવો અને જો તેમાં ફીણ થાય અથવા મોટા-મોટા પરપોટા દેખાય તો સમજી લેવાનું કે દૂધમાં ડીટરજન્ટ મેળવેલુ છે. દૂધમાં ડીટરજન્ટની વધુ માત્રા કિડની, લિવરની સાથે હોર્મોન્સને પણ નુકસાન પહોંચે છે. આ સિવાય તમે હથેળીમાં થોડુ દૂધને રગડો. જો દૂધમાં ડીટરજન્ટની ભેળસેળ હશે તો તમારો હાથ ચિકણો થઈ જશે.

યુરિયાનો ઉપયોગ
દૂધને જાડુ કરવા માટે યુરિયાનો પણ ઉપયોગ કરી શકો છો. દૂધને ચેક કરવા માટે તમે એક ચમચી દૂધને ટેસ્ટ ટ્યુબમાં નાખો. તેમાં અડધી ચમચી સોયાબીન અને તુવેર પાવડર નાખી સારી રીતે મેળવો. થોડા સમય બાદ લાલ લિટમસ પેપર નાખો, અડધી મિનિટ પછી જો રંગ લાલથી વાદળી બની જાય તો દૂધમાં યુરિયા છે.