ભીના કપડાંથી મિનીટોમાં જ જાણો સિલેન્ડરમાં કેટલો બચ્યો છે ગેસ

LPG સિલેન્ડરમાં કેટલો ગેસ બચ્યો છે? એને લઇને મોટાભાગે લોકો મૂંઝવણમાં રહે છે. એકદમથી જ સિલેન્ડરનો ગેસ પૂર્ણ થવા પર પરેશાન પણ થઇ જવાય છે. મોટાભાગે ગેસનો રંગ અને સિલિન્ડરને હલાવીને ગેસનો અંદાજો લગાવવામાં આવી શકે છે. તમે ઇચ્છો તો એક ભીના કપડા દ્વારા એવું જાણી શકો છો કે સિલેન્ડરમાં કેટલે સુધી ગેસ બચ્યો છે. 

આ ટ્રીક ખૂબ જ સરળછે અને એમાં મિનીટોમાં જ જાણી શકો છો કે કેટલો ગેસ બચ્યો છે. આ બાબતે એક પ્રોફેસરનું કહેવું છે કે ભીના કપડાંથી આપણે જાણી શકીએ છીએ કે સિલિન્ડરમાં કેટલો છે કારણ કે જ્યાં લિક્વિડ હોય છે ત્યાંનુ તાપમાન ખાલી ભાગની અપેક્ષા કરતા ઓછું હોય છે. તો ચલો આગળ જણાવીએ તમને પૂરી પ્રોસેસ...

સૌ પ્રથમ તો કોઇ એક કપડાંને ભીનું કરો ત્યારબાદ ભીના કપડાંથી આખા સિલિન્ડરને લૂછી નાંખો. સિલિન્ડરને એવી રીતે લૂછો કે સિલિન્ડરની ઉપરની પરત એકદમ ભીની થઇ જાય. 

આખો સિલિન્ડર બરોબર લૂછાઇ જાય ત્યારબાદ હવે થોડી વાર સપધી સિલિન્ડર સૂકાય એની રાહ જુવો. 2 3 મિનીટ બાદ તમને સિલિન્ડરનો કેટલોક ભાગ ભીનો તો કેટલોક ભાગ સૂકાઇ ગયેલો નજરે જોવા મળશે. 

જેટલો ભાગ તમને ભીનો નજરે જોવા મળે એમાં સમજી લો એટલો જ ગેસ સિલિન્ડરમાં બચ્યો છે. થોડી વાર બાદ એ ભાગ પણ સૂકાઇ જશે.