તમારા કામનું / તમારો કૉલ રેકૉર્ડ તો નથી થઈ રહ્યો? આ ફીચર જાણી લો, ક્યારેય નહીં પડે તકલીફ

• ઘણા દેશમાં ફોન પર ગુપ્ત રીતે વાત રેકોર્ડ કરવું અપરાધ
• જો કોઈ વાત રેકોર્ડ કરતુ હોય તો સરળતાથી જાણો
• ગુગલે રેકોર્ડીંગ એપ્સને બંધ કરી દીધા છે

લોકો આજકાલ મોબાઈલમાં ફોન પરની વાતોને રેકોર્ડ કરતા હોય છે જેથી તેઓ આગળ જતા જણાવી શકે કે આ રહ્યું રેકોર્ડીંગ પરંતુ એક વર્ષ પહેલા જ ગુગલે રેકોર્ડીંગ એપ્સને બંધ કરી દીધા છે. પરંતુ હજુ પણ ઘણી રીતો છે જેની મદદથી લોકો કોલ રેકોર્ડ કરી શકે છે. જો તમને ક્યારેય શંકા જાય કે કોઈ તમારો કોલ રેકોર્ડ કરી રહ્યું છે, તો તમે સરળતાથી શોધી શોધી શકો છો.

જાણો કેવી રીતે થાય છે કોલ રેકોર્ડ
જ્યારે કોઈ તમારો કોલ રેકોર્ડ કરે છે, ત્યારે તમને કેટલાક સંકેતો મળે છે. આ સિગ્નલોની મદદથી તમે કોલ રેકોર્ડિંગને ડિટેક્ટ કરી શકો છો. મોટા ભાગના કિસ્સાઓમાં લોકો આ સંકેતો તરફ ધ્યાન આપતા નથી. આ માટે તમારે માત્ર વાત કરતી વખતે અલગથી આવતા અવાજ પર ધ્યાન આપવું પડશે. આવો જાણીએ કેવી રીતે તમે જાણી શકો છો કે તમારો કોલ રેકોર્ડ થઇ રહ્યો છે કે નહીં.

બીપનો અવાજ
ઘણા દેશોમાં ગુપ્ત રીતે કોઈના કોલને રેકોર્ડ કરવો ગેરકાયદેસર છે. આ જ કારણ છે કે મોટાભાગના મોબાઇલ ફોન ઉત્પાદકો હેન્ડસેટમાં બીપ અવાજ ઉમેરે છે. આ કારણે જ્યારે કોઇ તમારો કોલ રેકોર્ડ કરે છે તો તમને બીપનો અવાજ સંભળાય છે. જો તમારા ફોન પર કોલ દરમિયાન આ પ્રકારનો અવાજ આવે છે, તો સમજવું કે તમારો કોલ રેકોર્ડ થઈ રહ્યો છે. આ ફીચર બધા ફોન સાથે નથી આવતું. તેથી તમે તેના પર સંપૂર્ણપણે નિર્ભર રહી શકતા નથી.

સિંગલ બીપ
ઘણી વખત કોલ રેકોર્ડિંગ દરમિયાન એક જ નાના બીપનો અવાજ પણ આવે છે. આવા કિસ્સાઓમાં, તમારો કોલ કનેક્ટ થતાંની સાથે જ બીપનો લાંબો અવાજ તે જ સમયે સંભળાય છે. આ અવાજ રેકોર્ડિંગના સક્રિયકરણ સિવાય બીજું કશું જ નથી. આ સિગ્નલ ફીચર ફોનમાં ઉપલબ્ધ છે.

રેકોર્ડીંગ મેસેજ
આ સિવાય ઘણી વખત તમને કોલ રેકોર્ડિંગનો મેસેજ આવે છે. આ મેસેજમાં કોલ રેકોર્ડિંગ શરૂ થતા જ તમને બીજો ઓડિયો પણ સાંભળવા મળશે, જેના પર કોલ રેકોર્ડિંગ શરૂ કરવાનો મેસેજ આવશે. આમ જોવા જઈએ તો હવે કોલિંગ રેકોર્ડિંગના કિસ્સા ખૂબ જ ઓછા થઈ ગયા છે.

રેકોર્ડિંગ ફીચર હાલ ઘણા ફોનમાં બંધ
આનું મુખ્ય કારણ ગૂગલ સહિતની મોટાભાગની કંપનીઓ દ્વારા કોલ રેકોર્ડિંગને હટાવવાનું છે. ગૂગલ બાદ ટ્રુકોલરે પણ પોતાના પ્લેટફોર્મ પરથી કોલ રેકોર્ડિંગ ફીચરને બંધ કરી દીધું હતું. જે કંપનીઓના ફોનમાં ગૂગલ ડાયલરનો ઉપયોગ થાય છે, તેમાં હવે તમને આ ઓપ્શન નહીં મળે. જો કે ફિચર ફોનમાં હજુ પણ કોલ રેકોર્ડિંગની સુવિધા મળે છે. આ મદદથી કોઇપણ વ્યક્તિ સરળતાથી તમારો કોલ રેકોર્ડ કરી શકે છે. આવી કોઈ પણ પરિસ્થિતિથી બચવા માટે, તમારે ઉપર જણાવેલી બાબતોનું ધ્યાન રાખવું જોઈએ.