અત્યારે કેન્દ્ર સરકારે આધાર કાર્ડને દરેક જરૂરી ડૉક્યુમેન્ટ્સ સાથે જોડી દેવાનો આદેશ આપ્યો છે PAN કાર્ડથી લઇને મોબાઇલ નંબર સુધીના ડૉક્યુમેન્ટ્સ સાથે આધાર નંબર જોડવો ફરજિયાત કરવામાં આવ્યો છે. આ માટે લોકોની આધાર સેન્ટર પર લાંબી લાઇનો પણ લાગે છે. નામ સરનામું ઉપરાંત તમે આધાર કાર્ડમાં પોતાનો ફોટો પણ ચેન્જ કરાવી શકો છો. આ માટે તમારે માત્ર 15 રૂપિયા જ ખર્ચવા પડશે.
ઘણીવાર જૂનો કે ખરાબ થઇ ગયેલો ફોટો છપાયો હોવાના કારણે આધાર કાર્ડ વેલિડ માનવામાં આવતું નથી અહી તેને ચેન્જ કરાવવાની પ્રોસેસ બતાવવામાં આવી છે.
આ માટે સૌથી પહેલા તમારે આધાર કાર્ડ સેન્ટર પર જવું પડશે. જો તમારી પાસે આધાર કાર્ડ ન હોય તો તમારો એનરોલમેન્ટ નંબર લઇને જાવ.
આધાર કાર્ડ સેન્ટર પર તમારે આધાર કાર્ડ ફોર્મ ફરી એક વખત ભરવું પડશે. જેમાં તમારે આધાર નંબર પણ લખવો પડશે.
ફોર્મ ભર્યા પછી ફરીથી તમારી આંગળીઓ અને આંખોના સ્કેનિંગની સાથે ફોટો પડાવવો પડશે જો આ ફોટો બરાબર ન આવ્યો હોય તો તમે ફરી વખત પણ પડાવી શકો છો.
આ પ્રક્રિયા પૂરી થયા પછી તમારી બધી ડિટેલ આધાર કાર્ડના બેંગ્લૂરૂ સેન્ટરને મોકલી આપવામાંઆ આવશે જે પછી તમારો ડેટા પ્રોસેસ થશે અને નવા ફોટાની સાથે તમારું આધાર કાર્ડ 2 અઠવાડિયાની અંદર તમારા ઘરે આવી જશે.
આધાર કાર્ડ માત્ર એક વખત નિ:શુલ્ક બને છે. તેથી ફોટો બદલવા માટે 15 રૂપિયા ચૂકવવા પડશે. બાયોમેટ્રિક ડિટેલ પણ બદલવા માટે પણ રૂપિયા ખર્ચવા પડશે.