આજનો યુગ ડિઝિટલ યુગ ગણાય છે . દરેક વસ્તુઓ આપણે ઘરે બેઠા મેળવી શકીએ છીએ ત્યારે કેટલાક દસ્તાવેજોમાં પણ ઘરે બેઠા જ સુધારો કરવુ હવે શક્ય બન્યુ છે
પાનકાર્ડમાં માહિતી અપડેટ કરો ઓનલાઇન
કચેરીના ધક્કા ખાવાની નહી પડે જરુર
ઘરે બેઠા જ માહિતી કરી શકાશે અપડેટ
પાનકાર્ડ એ એક મહત્વપૂર્ણ દસ્તાવેજ છે.બેંક તથા આવકવેરા રિટર્ન સંબંધિત અન્ય વ્યવહારોમાં પાનકાર્ડ જરુરી છે. ત્યારે જો તમારે પાનકાર્ડમાં નામ કે સરનામુ કે અન્ય કોઇ માહિતી સુધારવી હોય તો તેના માટે હવે કચેરીના ધક્કા ખાવાની જરુર નથી. હવે તમે ઘરે બેઠા જ સરળતાથી પાનકાર્ડમાં પોતાની માહિતી અપડેટ કરી શકો છો. ત્યારે જાણીએ કેવી રીતે કરશો પાન કાર્ડ અપડેટ
ઘરે બેઠા તમે પાનકાર્ડમાં ખોટુ નામ કે ખોટી જન્મતારીખ સુધારી શકો છે. ઇ પાન પણ તમે ઓનલાઇન ડાઉનલોડ કરી શકો છો પરંતુ આ તમામ પ્રક્રિયા માટે તમે ફી ચૂકવવી પડશે.
પાન કાર્ડમાં જન્મ તારીખ કેવી રીતે બદલશો
સૌથી પહેલા તમારે NSDLપોર્ટલ પર જવું પડશે.
ત્યારપછી ઓનલાઈન એપ્લિકેશન ફોર કરેક્શન અથવા ચેન્જીસ ટુ પાન ડેટા પર ક્લિક કરો.
પછી અરજદારે કેટેગરીમાં જવું પડશે અને HUF (હિન્દુ અવિભાજિત કુટુંબ) અથવા વ્યક્તિગત વિકલ્પ પસંદ કરવો પડશે.
'*' ચિહ્ન હોય તે તમામ ક્ષેત્રો ભરવા જરૂરી છે
બધા જરૂરી દસ્તાવેજો અપલોડ કરો. તેમજ ફોટા પણ અપલોડ કરો.
પછી સબમિટ બટન પર ક્લિક કરો.
તે પછી ડિમાન્ડ ડ્રાફ્ટ, ડેબિટ કાર્ડ અથવા ક્રેડિટ કાર્ડ દ્વારા પેમેન્ટ કરો.
અહીં તમને એકનોલેજમેન્ટ નંબર આપવામાં આવશે.
એપ્લિકેશનની સ્થિતિ તપાસવા માટે આ નંબર જરુરી છે
પાન કાર્ડમાં નામ કેવી રીતે બદલવું
NSDLની ઓફિશિયલ વેબસાઈટ પર જાઓ
આ વેબસાઈટ પર, તમારે સર્વિસ ટેબ પર જઈને PAN પર ક્લિક કરવાનું રહેશે.
આ પછી હાલના PAN ડેટા / PAN કાર્ડની રીપ્રિન્ટમાં ફેરફારો અથવા સુધારણા પર ક્લિક કરો.
વિનંતી કરેલ માહિતી ભર્યા પછી એક કોડ આવશે તે કોડ સબમિટ કરો.
પછી એપ્લિકેશન ફોર્મ પર ક્લિક કરો.
તમે સ્કેન કરેલ ફોટો ઈ-સાઇન દ્વારા સબમિટ કરી શકો છો.
સબમિટ કર્યા પછી, તમારે પેમેન્ટ કરવું રહેશે
તમારે ઓનલાઈન ચૂકવણી કરવી
પેમેન્ટ કરવા માટે તમારે Pay Confirm પર ક્લિક કરવાનું રહેશે.
ચુકવણી કર્યા પછી, તમને તમારો બેંક રેફરન્સ નંબર અને ટ્રાન્ઝેક્શન નંબર મળશે.
આ બંનેને સેવ કરો પછી Contunue પર ક્લિક કરો.
આ પછી આધાર કાર્ડની નીચેના બોક્સ પર ટિક કરો અને પછી Authenticate પર ક્લિક કરો.
જો તમારી માહિતી આધાર કાર્ડ સાથે મળી રહી હોય તો તમારે ઇ-સાઇન અને ઇ-કેવાયસી કન્ટીન્યુ પર ક્લિક કરો
ત્યારબાદ તમારે જનરેટ OTP પર ક્લિક કરવાનું રહેશે.
આ પછી તમારે OTP એન્ટર કરીને સબમિટ પર ક્લિક કરવાનું રહેશે. તે પછી એક નવું પેજ ખુલશે.
જેમાં તમે અરજી ફોર્મ દેખાશે તેની પીડીએફ તમારે ડાઉનલોડ કરવાની રહેશે.
આ પછી તમારે ID પ્રૂફ તમામ દસ્તાવેજો NSDL e-Gov ની ઑફિસમાં મોકલવાના રહેશે.