તમારા કામનું / Aadhaar Cardમાં તમારી તસ્વીર પસંદ નથી? આ સિમ્પલ સ્ટેપ દ્વારા કરી નાખો Change

• આધારમાં તમારી તસ્વીર પસંદ નથી? 
• આ રીતે બદલી નાખો આધારમાં તમારો ફોટો 
• જાણો સંપૂર્ણ પ્રોસેસ 

આજના સમયમાં આધાર કાર્ડ (Aadhaar Card) દેશના દરેક નાગરિક માટે સૌથી મહત્વપૂણ ID માટે એક છે. કારણ કે દરેક સરકારી કામો માટે સૌથી પહેલા તમારી પાસે આધાર કાર્ડ માંગવામાં આવે છે. જેવા કે બેન્કમાં ખાતું ખોલાવવું હોય કે પછી કોઈ સરકારી યોજનાનો લાભ ઉઠાવવો હોય. આ પ્રકારની દરેક વસ્તુઓમાં હંમેશા આધાર કાર્ડની જરૂર હોય છે. માટે તમે આધાર કાર્ડને હંમેશા અપડેટ રાખો. 

ઘણા લોકો એવા છે જેમને પોતાના આધાર કાર્ડ પર લગાવવામાં આવેલી તસ્વીરો પસંદ નથી આવતી. હવે લોકો પોતાના આધાર કાર્ડ પરની તસ્વીરને ગમે ત્યારે બદલી શકે છે. કારણ કે આધાર કાર્ડમાં તસ્વીર બદલાવવા માટે કોઈ ઓનલાઈન પ્રોસેસ ફોલો નહીં કરવી પડે તેના માટે નજીકના આધાર સેન્ટરમાં જઈને પ્રોસેસને પુરી કરાવી શકો છો. 

આ રીતે કરો આધાર કાર્ડમાં ફોટો અપલોડ 

• આધાર કાર્ડની ઓફિશયલ વેબસાઈટ પર જઈને આધાર એનરોલમેન્ટ, કરેક્શન, અપડેટ ફોર્મને ડાઉનલોડ કરો. ત્યાર બાદ ફોર્મને સંપૂર્ણ રીતે ભરો. 
• ત્યાર  બાદ તમારા નજીકના આધાર કેન્દ્ર પર જઈને આ ફોર્મને જમા કરાવી દો. સાથે જ તમારૂ બાયોમેટ્રિક ડિટેલ આપી દો. 
• ત્યાર બાદ એક્ઝિક્યુટીવ તમારો લોઈવ ફોટો લેશે અને તેને સિસ્ટમમાં અપડેટ કરી દેશે. 
• સૌથી છેલ્લે તમારે 25 રૂપિયા+ GST ફી ભરવાની રહેશે.