ચોમાસામાં ભેજનું પ્રમાણ વધી જાય છે જેના કારણે અનેક સમસ્યાઓનો ખતરો રહે છે. એવામાં શરીરને ખાસ દેખરેખની જરૂર રહે છે તો આ ઘરેલૂ ઉપાયો તમારી મદદ કરશે.
ચોમાસાની સીઝનમાં વધી છે આ સમસ્યાઓ
ફંગલ ઈન્ફેક્શન અને રેશિઝથી બચાવશે આ ખાસ ઉપાયો
ખાસ દેખરેખ સાથે તમે પણ ફટાફટ અજમાવો આ ઉપાયો
દેશના અનેક ભાગમાં ચોમાસુ આવી ગયું છે. આ સમયે ગરમીથી થોડી રાહત મળી રહી છે તો સાથે જ અનેક સમસ્યાઓ પણ વધે છે. ખાસ કરીને ફંગલ ઈન્ફેક્શન અને સ્કીન પર રેશિઝ અને ખંજવાળની સમસ્યા વધે છે. તેને માટે ખાસ દેખરેખની જરૂર રહે છે. તો જાણો કેવી રીતે ઘરેલૂ ઉપાયની મદદથી આ સમસ્યાથી તમે રાહત મેળવી શકો છો.
ફંગલ ઈન્ફેક્શન
વરસાદની સીઝનમાં સૌથી કોમન સમસ્યા ફંગલ ઈન્ફેક્શન થઈ શકે છે. ફંગસનું કારણ ભેજ હોય છે. તમે શરીરની સફાઈનું ખાસ ધ્યાન રાખવાની જરૂર રહે છે. સ્કીનને 2-3 વાર ધોવાની સાથે તેમાં વધારે મુશ્કેલી રહે તો ડોક્ટરનો સંપર્ક કરવો જરૂરી છે.
મોઈશ્ચરાઈઝ કરો
ચોમાસામાં વધતા ભેજની સાથે સ્કીનની અંદરની પરત સૂકાઈ જાય છે. આ કારણે 2-3 વાર મોઢું ધોઈને સમયાંતરે મોઈશ્ચરાઈઝ કરો તે જરૂરી છે.
સૂકા કપડા પહેરો
ચોમાસામાં અનેક વાર કપડા બરોબર સૂકાતા નથી અને તેમાં ભેજ રહે છે. આ કપડા પહેરવાથી પણ સ્કીન પર રેશિઝ બને છે અને તેનાથી શરીર પર ઈન્ફેક્શન થાય છે. માટે રેશિઝની જગ્યા પર પાવડર લગાવો અને સૂકાયેલા કપડા પહેરવાનો આગ્રહ રાખો.
2 વાર વાળ ધૂઓ
ચોમાસામાં શરીરની સાથે સાથે વાળની સફાઈ પણ ખાસ જરૂરી બને છે. આ સમયે તમે વાળની સફાઈ નહીં રાખો તો તમને માથા પર ફોલ્લીઓ થઈ શકે છે. તમે જે શેમ્પૂ યૂઝ કરો છો તેનાથી અઠવાડિયામાં 2-3 વાર વાળ ધોઈ લો તે જરૂરી છે.
પૂરતું પાણી પીઓ
ચોમાસામાં ભેજ વધવાથી શરીરમાંથી પરસેવો નીકળે છે. એવામાં શરીરમાં પાણીની ખામી રહે છે. તેનાથી બચવા માટે ભરપૂર પ્રમાણમાં પાણી પીઓ અને શરીરને હાઈડ્રેટ રાખો જેથી સ્કીન હેલ્ધી રહે.
ઘરને સાફ રાખો
વરસાદમાં ભેજના કારણે અનેક વાર અનેક ખાવાની ચીજ પર ફંગસ લાગે છે. આ માટે ઘરને હવાદાર અને સાફ રાખો. જેથી ફંગસને ટાળી શકાય. આ સિવાય પણ જો કોઈ ચીજ પર ફંગસ લાગ્યું છે તો તેને ફેંકી દો તે યોગ્ય છે.