કામની ટિપ્સ / ઘરમાં આ ઉપકરણ ચાલુ હશે તો ઘટી જશે ઈન્ટરનેટની સ્પીડ, જાણો શું કરવું

• લોકડાઉનમાં આ કારણથી ઈન્ટરનેટ સ્પીડ થઈ જાય છે ડાઉન
• ઘરના આ ઉપકરણ ઘટાડી શકે છે સ્પીડ
• આ ટિપ્સ અપનાવી વધારી શકો છો સ્પીડ

બ્રિટનના મીડિયા રેગ્યુલેટર ઓફકોમના જણાવ્યા અનુસાર, માઈક્રોવેવ અવન વાઈ-ફાઈ સિગ્નલને સ્લો કરી દે છે. જેથી વીડિયો કોલિંગ અથવા કેટલાક મહત્વપૂર્ણ કામ કરતી વખતે લોકોએ માઈક્રોવેવનો ઉપયોગ ન કરવો જોઈએ. 

કઈ રીતે ખબર પડી

આ જાણકારી એવા સમયે સામે આવી જ્યારે મોટી સંખ્યામાં લોકો ઘરેથી કામ કરી રહ્યાં છે. જેના કારણે વાઈફાઈ નેટવર્ક પર લોડ વધી રહ્યો છે. વાઈફાઈની સ્પીટ પર હેલોઝન, બેબી મોનિટર, ડિમર સ્વિચ, ટીવી, સ્ટીરિયો જેવા ઉપકરણોની અસર થાય છે. જો તમે ઈલેક્ટ્રિક આઈટમ રાઉટરની આસપાસ રાખેલી છે તો પણ વાઈફાઈ સ્પીડ ઘટી શકે છે. એક રિપોર્ટમાં આ વાત જણાવવામાં આવી છે. 

આ રીતે ચેક કરો તમારા ઈન્ટરનેટની સ્પીડ

તમે તમારા બ્રોડબેન્ડની ઈન્ટરનેટ સ્પીડ જાણવા માટે તમારા એન્ડ્રોઈડ ફોન અથવા આઈફોનમાં સ્પીડ ટેસ્ટ એપ ડાઉનલોડ કરી શકો છો. આ સિવાય તમે ડેસ્કટોપ પર સ્પીડ ટેસ્ટ વેબસાઈટ પર જઈ શકો છો. પછી મોબાઈલમાં એપ ઈન્સ્ટોલ કર્યા બાદ એપ ઓપન કરો અને ફોનની સ્ક્રીન પર વચ્ચે ગો ઓપ્શન દેખાશે તેના પર ક્લિક કરો. આટલું કરવાથી એપ થોડી જ સેકન્ડમાં ઈન્ટરનેટ સ્પીડ ટેસ્ટ કરીને તમારા બ્રોડબેન્ડ કનેક્શનની સ્પીડ બતાવી દેશે. 

સ્પીડ વધારવા આટલું કરો

ઈન્ટરનેટ સ્પીડ વધારવા માટે તમારા રાઉટરને રીબૂટ કરી શકો છો. આવું કરવાથી કનેક્શનથી જોડાયેલી સમસ્યાઓ દૂર થશે. જો આટલું કર્યા બાદ પણ સ્પીડ ન વધે તો તમારે ઈન્ટરનેટનો ઉપયોગ થોડો ઘટાડવો પડશે અને જે જરૂરી કામ છે એ પહેલાં કરવું.