LIC બનાવી રહી છે એજન્ટ ધો.10 પાસવાળા કરી શકે છે અપ્લાય જેટલું કામ તેનાથી વધારે થશે કમાણી

જો તમે તમારા નક્કી કરેલા સમય હિસાબથી કામ કરવા માંગો છો અને પોતે જ બૉસ બનવા ઇચ્છો છો તો તમારી પાસે ભારતીય જીવન વીમા નિગમ (LIC) સાથે જોડાવવાનો મોકો છે. એજન્ટ તરીકે તમારી ઇનકમની કોઇ સીમા નહી હોય અને તમે જેટલું વધારે કામ કરશો એટલી જ ઇનકમ પણ ભેગી કરી શકશો. LIC એજન્ટ બનવા માટે વધારે ક્વોલિફિકેશનની પણ જરૂર નથી. LIC તરફથી શૈક્ષણિક લાયકાતને 12 પાસથી ઘટાડીને 10 પાસ કરી દેવામાં આવી છે. અહીં તમે ફૂલ અને પાર્ટ ટાઇમ કામ કરી શકો છો. દેશની સૌથી મોટી ઇન્શ્યોરન્સ કંપની LIC હાલમાં એજન્ટ માટે ઘણીબધી જાહેરાતો પણ આપી રહી છે.

કેવી રીતે બનશો LIC એજન્ટ:

LIC એજન્ટ બનવા માટે શૈક્ષણિક લાયકાત ઓછામાં ઓછી 10th પાસ અને ઉંમર 18 વર્ષની હોવી જરૂરી છે. આ પહેલા એજન્ટ બનવા માટે 12th પાસની જરૂર પડતી હતી. એજન્ટ બનવા માટે તમારે નજીકની LIC શાખા પર જઇને એપ્લાય કરવાનું રહેશે. શાખા અધિકારી દ્વારા ઇન્ટરવ્યૂ લેવામાં આવશે જેમા પાસ થયા બાદ ટ્રેનિંગ માટે એજન્સી દ્વારા ટ્રેનિંગ કેન્દ્ર મોકવામાં આવશે. ટ્રેનિંગ 10 દિવસ સુધી ચાલશે. જેમા જીવન વીમા વ્યવસાયના બધાજ પક્ષનો સમાવેશ થાય છે.

ટ્રેનિંગ સફળતાપૂર્વક પૂર્ણ કર્યા બાદ ઉમેદવારોને LICની પ્રી રિક્રુટમેંટ ટેસ્ટને પાસ કરવાની રહે છે જે ભારતીય વીમા નિયામક તથા વિકાસ સત્તાધિકારી તરફથી આયોજિત કરવામાં આવે છે. પરીક્ષા પૂર્ણ થયા બાદ ઉમેદવારને બ્રાંચ તરફથી એજન્ટના રૂપમાં નિયુક્ત કરવામાં આવે છે. ત્યારબાદ ઉમેદવાર વિકાસ અધિકારી સાથે ટીમનો ભાગ બની જાય છે.

LIC એજન્ટ બનવાના ફાયદા:

LIC એજન્ટ તરીકે તમે એક સારુ કરિયર બનાવી શકો છો. એજન્ટ બનીને તમે તમારા ક્લાઈન્ટને તેના ફાઇનેંશિયલ ગોલને પૂર્ણ કરાવવામાં મદદ કરી શકો છો. એટલે કે તમે તમારા માટે એક નક્કી ઇનકમ કમાવાની સાથે અન્ય લોકોની લાઇફને પણ બદલી શકો છો. LIC કંપની એજન્ટ તરીકે કામ કરનારને કમીશન આપે છે. એજન્ટ બન્યા બાદ તમે તમારી જાતે જ ઇનકમનો ટારગેટ સેટ કરી શકો છો અને તેને પામવા માટે મહેનત પણ કરો છો. LIC પોતાના એજન્ટ્સને વિશ્વ સ્તરીય ટ્રેનિંગ પણ પ્રોવાઇડ કરે છે.

સફળ એજન્ટ બનવા માટે સારી કમ્યુનિકેશન સ્કિલ જરૂરી છે

- વ્યવહાર સારો રાખો. 
- ગ્રાહકને સાચ્ચી જાણકારી આપો. 
- પોતાની કંપનીના નવા ઉત્પાદન તથા જાહેરાતોથી હંમેશા અપડેટ રહો. 
- ઇન્શ્યોરન્સ કંપનીના સેમિનારમાં જરૂર ભાગ લેવો. 
- ઇન્શ્યોરન્સ કંપનીના નવા ઉત્પાદનોને સોશ્યલ મીડિયાના માધ્યમથી Share કરતા રહો. 
- પોતાના ગ્રાહકોને એ જ વચનો આપો જે કંપની ઉપલબ્ધ કરાવે છે. 
- ગ્રાહકોને ભ્રમમાં ન રાખો. 
- LIC એજન્ટનું વ્યક્તિત્વ અને સ્વભાવ હંમેશા લોકોને આકર્ષિક કરતો હોવો જોઇએ. કારણ કે એજન્ટને દરેક પ્રકારના લોકો સાથે ડિલ કરવી પડે છે.
- LIC એજન્ટ પાસે વાત કરવાની સારી ક્ષમતા હોવી જોઇએ. જેનાથી તે વધુમાં વધુ ગ્રાહકો બનાવી શકે છે.