અત્યારે કોરોનાને કારણે વારંવાર હાથ ધોવા પડે છે અથવા તો સેનિટાઈઝ કરવા પડે છે. જેના કારણે હાથ ડ્રાય અને રફ થઈ જાય છે અને સ્કિનને પણ નુકસાન થાય છે. તો તેનાથી બચવા આ ટિપ્સ અપનાવો.
વારંવાર હાથ ધોવાથી હાથની સ્કિનને થાય છે નુકસાન
આ સરળ ટિપ્સ હાથની સ્કિનને બનાવશે એકદમ મુલાયમ
બધાં માટે ખૂબ જ લાભકારી છે આ ઉપાય
કોરોનાના ચેપથી બચવા માટે સાફ-સફાઈ રાખવી અને હાથ ધોતાં રહેવું ખૂબ જ જરૂરી છે, કારણ કે હાથ દ્વારા આ વાયરસ ઝડપથી ફેલાય છે. તો વારંવાર હાથ ધોવાથી કે સેનિટાઈઝરનો ઉપયોગ કરવાથી હાથમાં ડ્રાઈનેસ વધી જાય છે. જેના કારણે હાથની ત્વચા શુષ્ક અને ડલ થવા લાગે છે. તેનાથી બચવું હોય તો આ ઉપાય કરો.
ગ્લિસરીન અને ગુલાબજળ
1 ચમચી ગુલાબજળમાં ગ્લિસરીનના થોડાં ટીપાં નાખીને હાથ પર મસાજ કરવાથી હાથ એકદમ સોફ્ટ રહે છે.
ક્રીમ
તમે જ્યારે પણ હેન્ડ વોશ કરો ત્યારે તમારા ઘરમાં રહેલી કોઈપણ મોઈશ્ચરાઈઝ ક્રીમ યાદથી હાથ પર લગાવો. આનાથી હાથ ડ્રાય નહીં થાય અને સ્કિન મુલાયમ રહેશે.
ઓઈલ મસાજ
હાથની ડ્રાઈનેસ દૂર કરવા માટે તમે જ્યારે પણ સેનિટાઈઝર કે સાબુથી હેન્ડ વોશ કરો તે બાદ કોકોનટ ઓઈલ, બદામનું ઓઈલ કે અન્ય કોઈપણ ઓઈલથી 2 મિનિટ મસાજ કરવું. આનાથી હાથ મુલાયમ રહેશે.
મલાઈ
મલાઈ દરેકના ઘરમાં હોય છે અને ડ્રાઈનેસ દૂર કરવા માટે આ બેસ્ટ ઉપાય છે. તેના માટે જ્યારે પણ હાથ ડ્રાય લાગે ત્યારે થોડી મલાઈ લઈને હાથ પર મસાજ કરો. આનાથી સ્કિનને પોષણ પણ મળશે. સાથે જ હાથ સોફ્ટ અને ગ્લોઈંગ પણ બનશે.
લીંબુનું પાણી
નવશેકા પાણીમાં 1 લીંબુનો રસ મિક્સ કરીને હાથ તેમાં 10 મિનિટ ડુબાડી રાખો. આ ઉપાયથી હાથ ડ્રાઈ નહીં થાય અને હાથમાં રહેલાં બેક્ટેરિયા પણ દૂર થશે. સાથે જ નખ પણ સાફ થઈ જશે.