યોજના / સરકારની આ ખાસ સ્કીમ હેઠળ ફ્રીમાં મેળવો LPG ગેસ સિલિન્ડર, ફટાફટ આ રીતે કરો અરજી

• સરકારની આ ખાસ સ્કીમ હેઠળ મફતમાં મેળવો એલપીજી સિલિન્ડર
• આ સ્કીમનો લાભ લેવા ઉજ્જવલા યોજનામાં રજિસ્ટર્ડ હોવું જરૂરી
• જૂનના અંતમાં આ સ્કીમ સમાપ્ત થઈ જશે

એલપીજી સિલિન્ડર મેળવવા માટે ગ્રાહકનો મોબાઇલ નંબર રજિસ્ટર્ડ હોવો ફરજિયાત છે. આનો અર્થ એ થયો કે જે લાભાર્થીઓનો મોબાઇલ નંબર ગેસ એજન્સીમાં નોંધાયેલ છે, તેઓને જ આ યોજનાનો લાભ મળશે. આ યોજના અંતર્ગત બધાંને લાભ મળે તે માટે સરકારે સંપૂર્ણ તૈયારી કર્યા બાદ સિલિન્ડરનો સપ્લાય કરાવનું પણ શરૂ કરી દીધું છે. આ માટે સૌથી પહેલાં લાભાર્થીના ખાતામાં સિલિન્ડરની રકમ જમા કરવામાં આવશે. એ પછી તે ગેસ બુક કરશે અને કેશ ચૂકવશે અને સિલિન્ડર લઈ લેશે. 

એક મહિનામાં કેટલા સિલિન્ડર મળશે

ઉજ્જવલા યોજના અંતર્ગત વડા પ્રધાન ગરીબ કલ્યાણ યોજના અંતર્ગત 14.2 કિલોગ્રામના 3 એલપીજી સિલિન્ડર આપવામાં આવશે. 1 મહિનામાં ફક્ત એક સિલિન્ડર મફત આપવામાં આવશે. જેમની પાસે 5 કિલોવાળા સિલિન્ડર છે તેમને 3 મહિનામાં કુલ 8 સિલિન્ડર આપવામાં આવશે. એટલે કે, એક મહિનામાં વધુમાં વધુ 3 સિલિન્ડર મફત હશે.

કેવી રીતે અરજી કરવી

PMUY હેઠળ ગેસ કનેક્શન લેવા માટે બીપીએલ પરિવારની કોઈપણ મહિલા અરજી કરી શકે છે. આ માટે તમારે KYC ફોર્મ ભરીને નજીકના એલપીજી સેન્ટરમાં સબમિટ કરવું પડશે. PMUYમાં અરજી માટે 2 પાનાનો ફોર્મ, જરૂરી દસ્તાવેજો, નામ, સરનામું, જન ધન બેંક ખાતું નંબર, આધાર નંબર વગેરે આવશ્યક છે. અરજી કરતી વખતે, તમારે એ પણ કહેવું પડશે કે તમારે 14.2 કિલો સિલિન્ડર લેવું છે કે 5 કિલો. તમે વડા પ્રધાન ઉજ્જવલા યોજનાની વેબસાઇટ પરથી PMUYનો અરજી ફોર્મ ડાઉનલોડ કરી શકો છો. તમે નજીકના એલપીજી સેન્ટરમાંથી પણ અરજી ફોર્મ લઈ શકો છો.

PMUY માટે કયા દસ્તાવેજો જરૂરી છે?

• પંચાયત અધિકારી અથવા મહાનગરપાલિકા પ્રમુખ દ્વારા અધિકૃત BPL કાર્ડ
• BPL રાશનકાર્ડ
• ફોટો આઈડી (આધાર કાર્ડ, મતદાર ID)
• પાસપોર્ટ સાઇઝ ફોટો
• રાશનકાર્ડની કોપી
• ગેઝેટેડ અધિકારી દ્વારા સ્વ-ઘોષણાની ચકાસણી
• એલઆઈસી પોલિસી, બેંક સ્ટેટમેન્ટ
• BPL સૂચિમાં તમારા નામની પ્રિન્ટઆઉટ