જાણો વાહન માટે VIP નંબર મેળવવા ક્યાં પ્રકારે ઓનલાઈન રજિસ્ટ્રેશન કરવું અને શું છે સમગ્ર પ્રક્રિયા
VIP નંબર માટે કરો ઓનલાઈન રજિસ્ટ્રેશન
દરેક રાજ્યમાં કરવામાં આવે છે હરાજી
હરાજી બાદ થશે વિનરનું એલાન
થોડા દિવસો પહેલા એક સમાચાર સામે આવ્યા હતા કે ચંદીગઢમાં એક વ્યક્તિએ પોતાની 71,000 રૂપિયાની સ્કૂટી માટે VIP નંબર લગભગ 15 લાખ કરતા પણ વધારે રૂપિયામાં લીધો. કોઈ કાર કે બાઈક પર વીઆઈપી નંબર પ્લેટનું હોવું, તેના માલિકનો પોતાની ગાડી સાથેનો લગાવ દર્શાવે છે.
આમ તો સામાન્ય માણસનાં જીવનમાં કાર ખરીદવી, કોઈ સપનું પૂરું થયા જેવું જ હોય છે અને જો તેના પર VIP નંબર પ્લેટ લાગેલી હોય, તો તો વાત જ ન પૂછો. આવામાં જો તમે પોતાની કર કે બાઈક માટે કોઈ ફેન્સી કે VIP નંબર પ્લેટ ઈચ્છો છો, તો તમારે અમુક સરળ સ્ટેપ્સ ફોલો કરવા પડશે.
VIP નંબર એટલે શું?
અલગ અલગ રાજ્યોની ટ્રાંસપોર્ટ અથોરિટી પોતપોતાની રીતે VIP નંબરની હરાજી કરે છે. મોટાભાગની જગ્યાઓ પર ટ્રાંસપોર્ટ અથોરિટી દરેક સીરીઝમાં 0001 થી 9999 વચ્ચેના ઘણા નંબરને VIP નંબરનાં રૂપમાં ઘોષિત કરે છે. આ નંબરને પણ રાજ્ય Super Elite, Single Digit અને Semi Fancy Numbers જેવી કેટેગરીમાં વહેંચે છે, જેની બેસ પ્રાઈઝ અલગ અલગ હોય છે.
VIP નંબર માટે ઓનલાઈન કરો રજિસ્ટ્રેશન
જો તમે VIP નંબર પ્લેટ માટે અપ્લાય કરવા માંગો છો, તો આ માટે ઓનલાઈન અપ્લાય કરી શકાશે. આ માટે તમારે માર્ગ પરિવહન મંત્રાલયની સાઈટ પર જઈને પબ્લિક યૂઝર તરીકે રજિસ્ટર કરવું પડશે. અહી તમારે એક નિશ્ચિત ફી આપીને ફેન્સી અથવા VIP નંબર રીઝર્વ કરવો પડશે. જોકે અલગ અલગ રાજ્યોનાં હિસાબે આ ફી અલગ અલગ હોય શકે છે.
હરાજીની તારીખ ધ્યાનમાં રાખો
નંબર રીઝર્વ કર્યા બાદ તમારે ધ્યાન રાખવું પડશે કે કઈ જગ્યાએ અને ક્યારે ટ્રાંસપોર્ટ અથોરિટી હરાજી કરશે. ફેન્સી કે VIP નંબર પ્લેટ માટે તમારે RTO ઓફિસનાં ધક્કા ખાવાની જરૂર નથી. તમે હરાજીમાં ઓનલાઈન પણ ભાગ લઇ શકો છો.
હરાજી બાદ વિનરનું એલાન
VIP નંબર માટે બોલી લાગ્યા બાદ વિનરનું એલાન કરવામાં આવે છે. જો તમને તમારો મનપસંદ નંબર મળી જાય છે, તો પછી અલોટમેન્ટ માટે એક લેટર જાહેર કરવામાં આવે છે.
જો તમે પોતાનો મનપસંદ નંબર મેળવવામાં સફળ થતા નથી, તો તમે પોતાની ફીનું રીફન્ડ ક્લેમ કરી શકો છો. જોકે અમુક રાજ્યોમાં આ નોન-રીફન્ડેબલ પણ હોય શકે છે. જો તમે વિજેતા છો, તો તમારે ટ્રાન્સપોર્ટ ઓથોરિટીને બિડિંગની બાકી રકમ ચૂકવવી પડશે અને બસ નંબર તમારો છે.
આટલા સમયમાં મળશે VIP નંબર
સામાન્ય રીતે VIP નંબરની હરાજીની પ્રક્રિયા અને રિઝલ્ટનાં એલાનમાં 4થી 5 દિવસનો સમય લાગે છે. ત્યાર બાદ તમારા નજીકનાં આરટીઓથી નંબર પ્લેટ રિલીઝ થવામાં 90 દિવસનો સમય લાગી શકે છે.