મોટાભાગે લોકો જાણતા હોતા નથી કે ગાડીના VIP કે ફેન્સી નંબરનું રજિસ્ટ્રેશન કેવી રીતે થાય છે તો અહીં જાણો પ્રોસેસ.
ગાડીના VIP નંબર માટેની છે આ પ્રોસેસ
આ રીતે થાય છે ખાસ નંબરનું રજિસ્ટ્રેશન
જાણો એપ્લાય કરવાની સરળ રીત
અનેક લોકો માટે તેમની કારનો નંબર સ્પેશ્યલ, ફેન્સી કે અલગ હોય તે ખાસ માનવામાં આવે છે. આ નંબરનું મહત્વ તેમના માટે ખાસ હોય છે જેમના માટે આ નંબર લકી હોય છે. અનેક લોકો સાથે તમે જોયું હશે કે તેમની તમામ ગાડીઓના નંબર એકસરખા હોય છે. આ માટે તમારે સ્પેશ્યલ નંબર માટે રજિસ્ટર કરવાનું રહે છે. તો જાણો કઈ રીતે આ VIP કે ફેન્સી નંબરનું રજિસ્ટ્રેશન થાય છે.
આ રીતે કરાવી લો રજિસ્ટ્રેશન, સરળ છે પ્રોસેસ
ગાડીનો વીઆઈપી નંબર લેવો છે તો સૌ પહેલાં તો કેન્દ્ર સરકરાની વેબસાઈટ parivahan.gov.in પર જાઓ.
આ પછી ઓનલાઈન મેન્યૂ પર જઈને ફેન્સી નંબર પર ક્લિક કરો.
અહીં ક્લિક કર્યા બાદ એક પેજ ખૂલશે અને અહીં ન્યૂ પબ્લિક યૂઝર પર ક્લિક કરીને એક યૂઝર આઈડી જનરેટ કરાશે.
આ માટે તમારે માંગેલી ડિટેલ્સ ભરવાની રહે છે. આટલું કર્યા બાદ યૂઝર આઈડી બનશે.
હવે યૂઝર આઈડી લોગઈન કર્યા બાદ એક ઈન્ટરફેસ ખુલશે. અહીં જઈને તમારે નંબરની અમાઉન્ટ લખવાની રહેશે.
હવે નંબર સેક્શન પર ક્લિક કરો અને તમારા નજીકના આરટીઓને સિલેક્ટ કરો.
આટલું કર્યા બાદ તમારે વ્હીકલ કેટેગરીને સિલેક્ટ કરવાની રહેશે.
અહીં તમને વ્હીકલ સીરિઝને વિશે પૂછાશે. તમે તેને પણ પસંદ કરી શકો છો.
આ પછી તમારી સામે ફેન્સી નંબરનું લિસ્ટ આવશે અને તેની કિંમત પણ લખેલી હશે.
તમે તેને પસંદ કરો અને Continue to register પર ક્લિક કરો.
આટલું કર્યા બાદ એક ફોર્મ આવશે તેને ભરીને સબમિટ કરો.
આ પછી તમે નેટ બેંકિંગ એપની મદદથી પે કરી શકો છો.
પેમેન્ટ કર્યા બાદ તમને એક સ્લિપ મળશે આ પછી આ નંબર તમારા માટે રજિસ્ટર થઈ ગયેલો માનવામાં આવશે.
બસ આ છે સિમ્પલ પ્રોસેસ જેની મદદથી તમે તમારી પસંદનો નંબર મેળવી શકો છો.