ડ્રાઇવિંગ લાયસન્સ બનાવવા ઇચ્છો છો? તો વાંચો આ આર્ટિકલ

દેશમાં કોઇ પણ પ્રકારનો મોટરવાહન ચલાવવા માટે ડ્રાઇવિંગ લાયસન્સ જરૂરી છે. 
સરકાર લાયસન્સ વગર વાહન ચલાવવાની મંજૂરી આપતી નથી. ભારતમાં કોઇ પણ વ્યક્તિ જો લાયસન્સ વગર વાહન ચલાવશે તો એ એક ગુનો છે અને એના માટે ચલણ ફાટી શકે છે. જો તમારું ડ્રાઇવિંગ લાયસન્સ બન્યું નથી તો જલ્દીથી જઇને અપ્લાય કરી શકો છો. જ્યારે પણ ડ્રાઇવિંગ લાયસન્સ માટેની વાત થાય છે તો લોકોને લાગે છે કે આ ઝંઝટનું કામ છે. કોઇની પાસેથી જાણકારી લઇએ તેઓ અલગ અલગ જણાવે છે. 

આજે અમે તમને એવી તરકીબ માટે જણાવવા જઇ રહ્યા છીએ જેના દ્વારા ખૂબ જ સરળતાથી ડ્રાઇવિંગ લાયસન્સ બનાવી શકો છો. એના માટે તમારે નજીકની આરટીઓ ઓફિસ જવાનું છે અને સૌથી પહેલા લર્નિંગ ડ્રાઇવિંગ લાયસન્સ માટે અપ્લાય કરવાનું છે. આ પહેલા તમે તમારી સાથે 4 પાસપોર્ટ સાઇઝ ફોટો ઘરનું સરનામું ઉંમર પ્રમાણપત્ર અને ફિઝીકલ ફિટનેસ સેલ્ફ ડિક્લેરેશન રાખવાનું છે. આ દરેક કાગળોને નોટરીથી અટેસ્ટ કરાવવા પણ જરૂરી છે. એડ્રેસ પ્રુફ માટે વોટર આઇડી કાર્ડ આધાર કાર્ડ રાશન કાર્ડ પાસપોર્ટ વીજળી બીલ બેંક પાસબુક અને ફોન બીલનો ઉપયોગ કરી શકો છો. 18 વર્ષ અથવા એનાથી વધારે ઉંમર બાદ તમે લાઇટ મોટર વ્હીકલ કેટેગરીના ડ્રાઇવિંગ લાયસન્સ માટે અપ્લાય કરી શકો છો. 

લર્નિંગ લાયસન્સ માટે તમારે તમામ દસ્તાવેજોને ફોર્મની સાથે ભરીને આરટીઓ ઓફિસમાં જમા કરાવલી શકો છો. ફોર્મ જમા કર્યા બાદ એ દિવસે અરજીકર્તાની ટેસ્ટ થશે. એમાં આઇ ટેસ્ટ થશે અને બાદ ટેસ્ટમાં ટ્રાફિક નિયમો માટે પૂછવામાં આવશે. ટેસ્ટમાં પાસ થવા માટે 10 માંથી 6 પ્રશ્નો સાચા આપવા જરૂરી છે. એમાં પાસ થયા બાદ લર્નિંગ લાયસન્સક મળી જશે જે 6 મહિના સુધી માન્ય રહેશે. લર્નિંગ લાયસન્સ મળવાના ઓછામાં ઓછા એક મહિના બાદ ફરીથી આરટીઓ ઓફિસ જઇને લર્નિંગ ડ્રાઇવિંગ લાયસન્સ જમા કરાવો ત્યારબાદ ડ્રાઇવિંગ ટેસ્ટ લેવામાં આવશે અને એમાં પાસ થયા બાદ પર્મેનેન્ટ ડ્રાઇવિંગ લાયસન્સ આપવામાં આવશે.