પોપ્યુલર ટીવી શો ‘તારક મહેતા કા ઉલ્ટા ચશ્મા’માં બબીતાનો રોલ કરી રહેલી એક્ટ્રેસ મુનમુન દત્તા સોશ્યલ મીડિયા પર ઘણી એક્ટિવ રહે છે. દરેક મુદ્દા પર પોતાના ઑપિનિયન પણ આપે છે. ઘણીવખત એવુ થયુ છે કે, મુનમુન દત્તાને ટ્રોલિંગનો શિકાર થવુ પડ્યુ હોય. પરંતુ એક્ટ્રેસ ટ્રોલર્સને એમ જ છોડી દેતી નથી, તે પોતાને ટ્રોલ કરનારને જડબાતોડ જવાબ આપે છે.
એક ઇન્ટરવ્યૂ દરમિયાન મુનમુન દત્તાએ કહ્યુ કે, ''સ્ટોકર્સ અને ટ્રોલર્સથી દૂર રહો. હું લોકોને મારા પ્રોફાઈલ પર મતલબી અને ખરાબ કમેન્ટ કરવા દેતી નથી. હું ઘણીવખત કોમેન્ટ સેક્શનને સ્વિચ ઑફ કરી દઉ છું.''
મુનમુન દત્તાએ કહ્યું કે, ''જો કોઈ ફોલોઅર નેગેટિવ અને ખરાબ કોમેન્ટ કરે છે તો હું એમને જવાબ આપવામાં માનું છું. જો હું આમ ના કરી શકુ તો બ્લોક કરી દઉ છું. મારે એક જ ફોલોઅર હશે તો ચાલશે, પરંતુ તેમ નથી ઇચ્છતી કે નકારાત્મકતા અને નફરતા ફેલાવનારા લોકો મારી પ્રોફાઇલ સાથે જોડાય.'
મુનમુન દત્તાએ કહ્યું કે, ''હું ઘણીવાર ટ્રોલર્સને અવગણવાનો પ્રયાસ કરુ છુ. મને મારી તસવીરો પર કોઇ અશ્લીલ કોમેન્ટ કરે મને પસંદ નથી. હું મારી પ્રોફાઇલ સારી રહે તે ઇચ્છું છું.'' મુનમુને તે પણ ખુલાસો કર્યો કે તેને અજાણ્યા લોકો અશ્લીલ અને ફોટોશોપ્ડ તસવીરો મોકલે છે. જ્યારે આમ થાય ત્યારે તે પોલીસની મદદ લે છે. એક્ટ્રેસે કહ્યું કે, ''હું મારી પર્સનલ લાઇફને લઇને પ્રોટેક્ટિવ છું.''
મુનમુને કહ્યું કે, ''જો લોકો મારી પ્રાઈવસીનો ખોટો ઉપયોગ કરશે, તો આવા મામલે પોલીસની મદદ લેવામાં સહજ પર મોડું નહી કરુ. આવા લોકોને હું છોડી શકું નહી.'' મુનમુન દત્તા ‘તારક મહેતા…’ શો શરૂં થયો ત્યારથી તેની સાથે જોડાયેલી છે.