કોરોના વાયરસ યુરોપ અને અમેરિકામાં ઝડપથી ફેલાઈ રહ્યો છે, પરંતુ એશિયાના કેટલાક દેશોએ તેને નિયંત્રણમાં રાખ્યો છે. આ દેશો સિંગાપોર, તાઇવાન અને હોંગકોંગ છે. રસપ્રદ વાત એ છે કે, આ દેશો ચીનની ખૂબ નજીકમાં સ્થિત છે, તેમ છતાં તેઓ કોરોનાને નિયંત્રણમાં રાખવામાં સફળ થયા છે.
નિષ્ણાંતો વખાણ કર્યા
ન્યુ યોર્ક ટાઇમ્સના એક લેખમાં, રોગચાળાના નિષ્ણાંત બેન્જામિન જે. કોલિંગ અને વેન લિમે વર્ણવ્યું છે કે આ દેશોએ કેવી રીતે કોરોના પર કાબૂ મેળવ્યો. આ દેશોએ ચીનની જેમ કોરોના સંબંધિત કોઈ ખૂબ વ્યાપક અને ઝડપી પગલા લીધા ન હતા, પરંતુ તેઓએ શરૂઆતથી જ સાવચેતી રાખી હતી. અત્યારે વૈશ્વિક સ્તરે ચીનના પ્રયત્નોની પ્રશંસા પણ કરવામાં આવી છે પરંતુ માનવ અધિકારના ઉલ્લંઘન સંદર્ભમાં તેની ટીકાઓ પણ થઈ છે.
14 માર્ચ સુધીમાં સિંગાપોરમાં 200 કેસ, હોંગકોંગના 140 કેસ (4 મૃત્યુ) અને તાઇવાનમાં 53 કેસ (1 મૃત્યુ)નોંધાયા છે. આ દેશોનું કોરોના નિયંત્રણ એટલે ખૂબ મહત્વપૂર્ણ છે કે ચીનના ઘણા લોકો નવા વર્ષની ઉજવણી પ્રસંગે ચીનથી આ દેશોમાં ફરવા ગયા હતા. આ સમયગાળામાં કોરોનવાયરસ તેની ચરમસીમા ઉપર હતો.
પ્રથમ કેસ સામે આવતા શરુ કરી દીધા પગલાં
આ બધા દેશોની વસ્તી ઓછી છે. તાઇવાનની સૌથી વધુ વસ્તી 2 કરોડ 36 લાખ છે. આ દેશો ભૌગોલિક રીતે આઇસોલેટેડ છે. તાઇવાન અને સિંગાપોર ટાપુઓ છે અને હોંગકોંગને ચીન સાથે કેટલીક સરહદો છે. આ પરિબળોએ આ દેશોને મદદ કરી છે.
સિંગાપોરે સૌ પ્રથમ કેન્સલ કરી તમામ ફ્લાઇટ
સિંગાપોર એ પહેલો દેશ હતો જેણે વુહાનથી આવતી બધી ફ્લાઇટ રદ કરી હતી. જેવી ચીને આ રોગની ઘોષણા કરી, સિંગાપોરે માંદા લોકોને આઇસોલેટ કરવાનું શરૂ કરી દીધું. બીમાર દર્દીઓને યુનિવર્સિટીના ત્રણ છાત્રાલયોમાં રાખવાની વ્યવસ્થા કરી અને વધારે સંખ્યામાં લોકોનો ભેગા થવા ઉપર પ્રતિબંધ લાદી દેવામાં આવ્યો.
તાઈવાને ફટકાર્યો દંડ
બાદમાં તાઇવાને પણ વુહાનથી આવતી તમામ ફ્લાઇટ્સ પર પ્રતિબંધ મૂક્યો હતો. તાઇવાન શરૂઆતમાં શંકાસ્પદ લોકોને તેમના ઘરે રહેવાની સૂચના આપી હતી. તાઇવાનએ પણ થોડીક કડક હાથે કામગીરી કરી અને નિયમોનું પાલન ન કરવા બદલ 25 લાખનો દંડ ફટકાર્યો. શાળાઓમાં રજા આપવામાં આવી અને તમામ પ્રકારના ધાર્મિક સરઘસોમાં હાજરી ન આપવાની તાકીદ કરવામાં આવી હતી.
હોંગકોંગે ઉઠાવ્યા આનાથી પણ વધુ મોટા પગલાં
હોંગકોંગે સિંગાપોર અને તાઇવાનથી થોડો અલગ અભિગમ અપનાવ્યો. આનું કારણ એ હતું કે તેની સરહદ ચીન સાથે જોડાયેલી છે. ચીનના દરરોજ લગભગ 3 લાખ લોકો આ સરહદ પરથી મુસાફરી કરે છે. ચીનમાં કોરોનાનો પહેલો કેસ બહાર આવતા જ હોંગકોંગે સરહદ પર લોકોનું સ્ક્રીનીંગ કરવાનું શરૂ કર્યું. જો કોઈ વ્યક્તિને કોરોના શંકાસ્પદ જણાઈ આવે તો સરકારે તાત્કાલિક સરકારને જાણ કરવા સ્થાનિક ક્લિનિક્સને નિર્દેશ આપ્યા હતા.
હોંગકોંગમાં પહેલો કેસ 5 ફેબ્રુઆરીએ આવ્યો હતો. તે પછી ચીન સાથેની સરહદ 15 દિવસ માટે બંધ રહી હતી. ઉપરાંત, હોંગકોંગમાં લોકોને અલગ રાખવા માટે ઘણા પ્રયત્નો કરવામાં આવ્યા હતા. મોટા કાર્યક્રમો, શાળાઓ અને કોલેજો પર રોક લગાવી દેવાઈ હતી.