બોલિવૂડ / જેલમાં જુઓ કોની બાજુમાં રખાઈ રિયા ચક્રવર્તીને, પહેલી રાતે આટલી વસ્તુ મળી ભોજનમાં

• રિયા ચક્રવર્તીની પહેલી રાત જેલમાં
• ઇન્દ્રાણી મુખર્જીની બાજુના સેલમાં
• શીના બોરા કેસની આરોપી છે ઇન્દ્રાણી

મીડિયા રિપોર્ટમાં કહેવામાં આવ્યું છે કે રિયા જે સેલ છે તે જેલ સર્કલ -1માં છે. આ સેલમાં ત્રણેય બાજુ દિવાલો છે અને આગળની તરફ જાળી છે.

મીડિયા રિપોર્ટ્સ અનુસાર, બુધવારે સવારે સુશાંત સિંહ રાજપૂતની ગર્લફ્રેન્ડને સામાન્ય બેરેકમાં રાખવામાં આવી હતી, બાદમાં સુરક્ષાના કારણોસર તેને અલગ સેલમાં ખસેડવામાં આવી હતી.

કહેવામાં આવી રહ્યું છે કે રિયાને જેલમાં બુધવારે સાંજે 6 વાગ્યે ડિનર આપવામાં આવ્યુ હતુ. તેને ખાવામાં 2 રોટલી, શાક અને ભાત આપવામાં આવ્યા હતા. નિયમો અનુસાર, તેને ગુરુવારે સવારે 10 વાગ્યે નાસ્તો આપવામાં આવશે.

રિયાને મંગળવારે ડ્રગ્સના કેસમાં 14 દિવસની કસ્ટડીમાં મોકલવામાં આવી હતી. મોડુ થવાના કારણે તેને પહેલી રાત્રે એનસીબીના લોકઅપમાં બેસાડવામાં આવી હતી.

તમને જણાવી દઇએ કે, રિયાના ભાઈઓ શોવિક અને સેમ્યુઅલ મીરાન્ડાને એનસીબી દ્વારા પહેલા જ ડ્રગ્સના મામલે ધરપકડ કરવામાં આવી હતી. રિયા અને તેના ભાઈ શોવિકની જામીન અરજી પર ગુરુવારે વિશેષ અદાલતમાં સુનાવણી થશે.