સાઉથના સુપરસ્ટાર રાણા દગ્ગુબાતીનો આજે જન્મદિવસ છે. તેમનું ફિલ્મી કરિયર ખુબ લાંબુ રહ્યું છે જ્યાં તેમણે ઘણી બધી હિટ અને સુપરહિટ ફિલ્મો આપી અને ઘણા બધા ઍવોર્ડ્સ પોતાને નામ કર્યા પરંતુ તેમને સમગ્ર દેશમાં ભલ્લાલદેવના પાત્ર બાદ સફળતા મળી.
ભલ્લાલદેવ બનવા કરી મહેનત
100 કિલો વજન દેખાયુ મસલ્સમાં
આઠ વાર જમતા હતા રાણા
બાહુબલી ફિલ્મના શક્તિશાળી પાત્ર ભલ્લાલદેવ વિના ફિલ્મને કલ્પવું અશક્ય છે. ભલ્લાલદેવના પાત્ર માટે રાણાએ ખુબ મહેનત કરી હતી અને તે પ્રકારનું ફિઝીક મેળવ્યું હતું.
કેવી રીતે બન્યા ભલ્લાલદેવ
રાણા આ પાત્ર માટે રોજ 4000 કેલેરી લેતા હતા. આટલી કેલેરી માટે એક્ટર એક દિવસમાં 40 ઇન્ડા ખાતા હતા અને જીમમાં રોજ 8 કલાક કસરત કરતા હતા. સામાન્ય માણસ દિવસમાં 3 વાર જમે છે પરંતુ ભલ્લાલદેવ માટે રાણા દિવસમાં 8 વાર ખાતા હતા. દર બે કલાકે તે ભાત ખાતા હતા.
100 કિલો વજન
એક્ટરના કહ્યાં અનુસાર તેમણે પોતાનું વજન 100 કિલો સુધી વધારી દીધુ હતુ. આટલા વજનમાં કોઇ પણ વ્યક્તિનું પેટ બહાર આવી જાય પરંતુ રાણાએ એટલી મહેનત કરી હતી કે તેમનું વજન મસલ્સમાં જ દેખાતું હતું. આટલી મહેનત બાદ સ્ક્રિન પર એક હેવી રાજા ભલ્લાલદેવ દેખાયા હતા.
રાણાનો ફિલ્મી સફર
રાણાએ ઘણી બોલિવૂડ ફિલ્મોમાં કામ કર્યુ છે અને લોકોએ તેમને નોટિસ પણ કર્યા છે. તેમણે બિપાશા સાથે અને અક્ષય કુમાર સાથે પણ સ્ક્રિન શૅર કરી છે. સાઉથમાં તો તેમને કોઇ પણ પ્રકારની ઓળખની જરૂર જ નથી.
મહત્વનું છે કે, રાણા દગ્ગુબાતીએ કોરોના કાળમાં જ તેમની ગર્લફ્રેન્ડ સાથે લગ્ન કરી લીધા હતા. સોશ્યલ મિડીયા પર તેમની તસવીરો વાયરલ થઇ રહી છે.