- ઓમીક્રોનની તપાસ કરાવવી સરળ
- બે વખત RT-PCR ટેસ્ટ કરાવવાની સલાહ
- જાણો જીનોમ સિક્વન્સિંગ શું છે?
ઓમિક્રોન દેશમાં ઝડપથી ફેલાઈ રહ્યો છે. કોરોનાના અન્ય વેરિયન્ટ્સ કરતાં વધુ સંક્રામક આ વેરિયન્ટની જીનોમ સિક્વન્સિંગ ટેસ્ટ દ્વારા જ ઓળખ કરવામાં આવી રહી છે, પરંતુ જીનોમ સિક્વન્સિંગની બાબતમાં ભારત હજુ પણ ઘણું પાછળ છે.
પણ જો જીનોમ સિકવનસિંગ ન કરાવીએ તો પણ RT-PCR ટેસ્ટ દ્વારા પણ Omicron વેરિયન્ટને શોધી શકાય છે. જીનોમ સિક્વન્સિંગ કરતાં પણ તેનો ઓછો ખર્ચ છે. જ્યારે જીનોમ સિક્વન્સિંગ ટેસ્ટનો ખર્ચ 5000 રૂપિયા સુધીનો છે, જ્યારે RT-PCR ટેસ્ટનો ખર્ચ માત્ર 260 રૂપિયા છે.
જીનોમ સિક્વન્સિંગ શું છે?
જિનોમ સિક્વન્સિંગ એ કોઈપણ મનુષ્યનો સંપૂર્ણ આનુવંશિક બાયોડેટા છે. જો આપણે વ્યક્તિની આનુવંશિક વિવિધતાને સમજવી હોય, તો આપણે જીનોમ સિક્વન્સિંગ ટેસ્ટ કરાવવો પડે. આ પછી આપણે કોઈ નવી બીમારી કે નવા પ્રકાર વિશે જાણી શકાય.
દેશના બહુ ઓછા રાજ્યોમાં થાય છે જીનોમ સિક્વન્સિંગ
જીનોમ સિક્વન્સિંગ દ્વારા કોઈપણ વેરિયન્ટને સરળતાથી શોધી શકાય છે, પરંતુ આ પરીક્ષણો દેશના બહુ ઓછા રાજ્યોમાં કરવામાં આવી રહ્યા છે. તેથી દરેક વ્યક્તિનું જિનોમ સિક્વન્સિંગ કરવું શક્ય નથી.
બે વખત RT-PCR ટેસ્ટ કરાવવાની સલાહ
આવી સ્થિતિમાં, કેન્દ્રીય આરોગ્ય મંત્રાલયે રાજ્યોને બે વાર RT-PCR ટેસ્ટ કરાવવાની સલાહ આપી છે અને એ જોવાની સલાહ આપી છે કે નમૂનામાંથી S-Gene ગાયબ છે કે નહીં, કારણ કે Omicronમાંથી S-Gene ગાયબ છે, જ્યારે ડેલ્ટા વેરિયન્ટમાં S-Gene હાજર છે. તો આ રીતે ખબર પડી જશે કે તમે ઓમિક્રોનથી સંક્રમિત છો કે ડેલ્ટા વેરિયન્ટથી.
શું S-Gene ના ગાયબ હોવાનો અર્થ એ છે કે તમે Omicron ચેપગ્રસ્ત છો?
ઓમિક્રોનની ઓળખ વાઈરસમાં હાજર S-Gene દ્વારા જ થઈ રહી છે. ઘણા વૈજ્ઞાનિકોએ દાવો કર્યો છે કે Omicron માં એસ-જીન નથી. જો કોઈ વ્યક્તિના નમૂનામાં એસ-જીન ખૂટે છે, તો તે ઓમિક્રોન સંક્રમિત હોય શકે છે. અને જો એસ-જીન હાજર હોય અને રિપોર્ટ કોરોના પોઝિટિવ હોય, તો વ્યક્તિ ઓમિક્રોન સિવાયના કોરોનાના અન્ય વેરિયન્ટ્સથી સંક્રમિત છે.
કયા રાજ્યમાં RT-PCR કીટ વડે ઓમિક્રોનની તપાસ?
મહારાષ્ટ્રમાં RT-PCR કીટ વડે કોવિડ સેમ્પલની બે વખત તપાસ કરવામાં આવી રહી છે. ટેસ્ટ કીટમાં પણ કેટલાક ફેરફારો કરવામાં આવ્યા છે, જેથી એસ-જીનની હાજરી શોધી શકાય.
WHO એ S-Gene પર શું કહ્યું?
WHO અનુસાર, Omicronમાંથી S-Gene ગાયબ થવાનું કારણ તેમાં મલ્ટિપલ મ્યુટેશનની હાજરી છે, જે અત્યાર સુધી કોઈપણ પ્રકારમાં જોવા નથી મળી. ગુમ થયેલ એસ-જીન એ ઓમિક્રોન વેરિયન્ટની હાજરીનો સંકેત છે.
