મહિલાઓએ શરીરના કેટલાક મહત્વપૂર્ણ અંગોનું ખાસ ધ્યાન રાખવાની જરૂર હોય છે. મહિલાઓએ ખાસ પીરિયડ્સ દરમ્યાન ધ્યાન રાખવું જરૂરી હોય છે. પીરિયડ્સ દરમ્યાન મોટાભાગની મહિલાઓ સેનિટરી પેડનો ઉપયોગ કરતી હોય છે. પીરિયડ્સ દરમ્યાન દરેક મહિલાનો બ્લીડિંગનો ફ્લો પણ અલગ હોય છે. એવું કહેવાય છે કે દર મહિને પીરિયડ્સ દરમ્યાન મહિલાઓના શરીરમાંથી 40 મિલી. લોહી બહાર નીકળે છે. પણ એકના એક પેડના લાંબા સમય સુધી ઉપયોગ કરવાથી ઈન્ફેક્શનનો ખતરો વધે છે. તેમાં રહેલાં કેમિકલ વજાઈનાને નુકસાન પહોંચાડી શકે છે. ચાલો જાણી કેટલા સમયમાં પેડ ચેન્જ કરવું જોઈએ.
મહિલાઓએ પીરિયડ્સ દરમિયાન હાઈજીનનું ખાસ ધ્યાન રાખવું
એકના એક પેડના લાંબા સમય સુધી ઉપયોગ કરવાથી ઈન્ફેક્શનનો ખતરો વધે છે
તેમાં રહેલાં કેમિકલ વજાઈનાને નુકસાન પહોંચાડી શકે છે
દિવસમાં કેટલીવાર સેનિટરી પેડ બદલવા?
પીરિયડ્સ દરમ્યાન પેડ બદલવું બ્લડ ફ્લો પર નિર્ભર કરે છે. પીરિયડ્સના શરૂઆતના 2-3 દિવસે હેવી ફ્લો હોય છે. જે પ્રમાણે પેડ બદલતા રહેવું. જો પીરિયડ્સ દરમ્યાન સામાન્ય ફ્લો હોય તો પણ દર 4 કલાકે પેડ બદલી લેવું જોઈએ. આ વાતનું હમેશા ધ્યાન રાખવું કે પેડ સાફ અને ડ્રાય હોય છે તો મેન્સ્ટ્રુઅલ બ્લડ પેડમાં લોક થઈ જાય છે. જો તમે એવું માનો છો કે બ્લડથી ઈન્ફેક્શન નથી થતું તો આ ખોટી માન્યતા છે, કારણ કે પેડમાં માઈક્રો-ઓર્ગનિસ્મ (બેક્ટેરિયા) પેદા થવા લાગે છે. જેથી જો હેવી ફ્લો હોય તો દર 2 કલાકે પેડ બદલવું જોઈએ.
કેવા પેડનો ઉપયોગ કરવો જોઈએ?
બજારમાં વિવિધ પ્રકારના પેડ મળે છે જેને તમે તમારી અનુકૂળતા પ્રમાણે ઉપયોગ કરી શકો છો. મહિલાઓએ કોટનના પેડનો ઉપયોગ કરવો અને સુંગધવાળા પેડનો ઉપયોગ કરવાનું ટાળવું. તેના ઘણીવાર હાનિકારક કેમિકલ્સનો ઉપયોગ થતો હોય છે.
પીરિયડ્સ દરમ્યાન બ્લડ ફ્લો વધુ હોય કે ઓછો તમારે થોડાં સમય માટે પ્યૂબિક એરિયાની સફાઈનું વધુ ધ્યાન રાખવું. માઈલ્ડ સાબુનો ઉપયોગ કરીને પ્યૂબિક એરિયાને સાફ રાખવો. તેનાથી રેશિઝ નહીં થાય. લાંબા સમય સુધી એક જ સેનિટરી પેડનો ઉપયોગ કરવાથી વજાઈનલ ઈન્ફેક્શન, સ્કિન ઈન્ફેક્શન થવાની સંભાવના વધી જાય છે.